Сейит түмтүрк әпәнди истанбул шәһириниң муавин валийси билән учрашти

Сүрәттә, дунйа уйғур қурултийиниң муавин рәиси сейит түмтүрк әпәнди 2010 ‏- йили 1 ‏- айниң 16 ‏- күнидин 18 ‏- күнигичә истанбулни зийарәт қилғанда, истанбул муавин валийси мәһмәт әли улуташ әпәнди билән учришип уйғурлар вә "5 ‏- ийул үрүмчи вәқәси" һәққидә доклат бәргән.

Сийит түмтүрк әпәнди бу зиярити җәрянида, истанбул муавин валийси мәһмәт әли улуташ әпәнди билән учришип уйғурлар вә "5 ‏- июл үрүмчи вәқәси" һәққидә доклат бәрди шундақла уйғурларниң һазирқи вәзийити һәққидә пикирләшти.

Сейит түмтүрк әпәнди йәнә, истанбул шәһәрлик нопус вә вәтәндашлиқ мудири мәһмәт гүнгөр әпәндини зиярәт қилип, түркийидә яшаватқан уйғурларниң нопус ‏- вәтәндашлиқ ишлири һәққидә сөһбәтләшти һәмдә уйғурларниң түркийә гираҗданлиқиға өтүши үчүн шәртләрни йениклитиш һәққидә бир қанчә түрлүк тәләп сунди. Сейит түмтүрк әпәнди униңдин башқа йәнә истанбул мәркизи сақчи идарисини зиярәт қилип сақчи идарисиниң чәтәлликләр ишлири бөлүминиң сақчи башлиқи билән учришип уйғурлар дуч келиватқан түркийидә турушлуқ рухсәт хети һәл қилиш қатарлиқ бир қисим мәсилиләр һәққидә сөһбәтләшти.

Сейит түмтүрк әпәнди йәнә истанбулдики инсаний ярдәм вәхпи қатарлиқ бир қанчә аммиви тәшкилатни зиярәт қилип уйғурлар һәққидә пикир алмаштурди вә буниңдин кейинки елип бармақчи болған хизмәт паалийәтлири һәққидә сөһбәтләшти.

Юқиридики аваз улинишидин, бу һәқтики мәлуматимизниң тәпсилатини аңлайсиләр.