Ху җинтав қәшқәргә барғанда, әрздар турсун ғопурниң туғқанлири түврүккә бағлап қоюлған

Хитай мәркизи һөкүмәт рәһбәрлириниң уйғур районида һәр қетимлиқ тәкшүрүш елип бериши, йәрлик хәлққә һечқандақ пайда елип кәлмигәнниң үстигә бир қатар қийинчилиқ, аваричилик вә зиян - зәхмәтләрни елип кәлгән.
Мухбиримиз шоһрәт һошур
2010.09.23
Xu-jintaw-Urumchide-305.jpg Сүрәт, ху җинтавниң үрүмчидики хитай қораллиқ күчлирини көздин көчүргәндә сөз қиливатқан көрүнүши.
news.sina.com.cn Дин елинди.

Болупму уйғур әрздарлар вә уларниң аилә - тавабиатлири нуқтилиқ назарәт астиға елинған. Улар қаршилиқ көрсәтсә еғир - қийин - қистаққа елинған.

Хитай рәиси ху җинтав, 2001 ‏ - йили қәшқәргә зиярәткә барғанда, униң йеңишәһәр наһийисидә 10 минут тохтап өтиши, әрздар турсун ғопурниң 50 яшлиқ аниси гулайим мамут вә 18 яшлиқ сиңлиси турниса ғопурниң 4 саәт түврүккә бағлап қоюлушиға сәвәб болған.

Шу күни хитайниң қәшқәрдики сақчилири турсун ғопурниң аниси билән сиңлисиниң қоллириға койза селип, қорусидики пешайванниң түврүкигә 4 саәт бағлап қойған. Бу, ху җинтавниң бир қетимлиқ қәшқәр сәпириниң пәқәт бир аилигә елип кәлгән дишварчилиқлиридур.
 
Мәлум болушичә, қәшқәр вилайитиниң өзидә түрлүк наһәқчиликләр сәвәбидин юқири - төвән шикайәт қилип йүргән әрздарларниң сани бирқанчә йүзгә йетидикән. Униңдин башқа диний вә сиясий сәвәбләр түпәйли сәзгүр аилә дәп қарилип нуқтилиқ көзитиливатқан аилиләрниң саниму көп икән. Мана һазир, бу аилиләрниң бешиға кәлгән еғир күнләр гуманлиқ вә адәмни әндишигә салидиған мәсилә болуп ашкариланмақта.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.