Ukra'iniyide Uyghur xanim - qizliri mesilisi kün tertipke keldi

3 - Ayning 8 - küni dunya ayallar bayrimi munasiwiti bilen ukra'iniyide chaqirilghan xelq'araliq yighinda 21 - esirge kirgen, insan heqliri dunyada aldinqi qatargha ötken künimizde Uyghur xanim - qizliri duchar boliwatqan mesililer yighinning kün tertipige kelgen.
Muxbirimiz erkin tarim
2009-03-10
Share
Yawrasyada-ayallar-mesilisi-305 3 - Ayning 8 - küni dunya ayallar bayrimi munasiwiti bilen ukrainiyide chaqirilghan xelqaraliq yighindin bir körünüsh.
RFA Photo / Erkin Tarim

Xelq'ara insan heqliri yawro - asiya fédératsiyisining bashchiliqida ukra'iniyining qirim arilidiki sinférapol shehride 3 - ayning 7 - 8 - künliri "yawro - asyadiki ayallarning mesililiri" mawzuluq yighin chaqirilghan.

Bu yighin'gha afghanistan, azerbéyjan, gruziye, makédonye, kosowa, ottura asiya türkiy jumhuriyetliri, rusiye fédératsiyisi , gollandiye we gérmaniye qatarliq 18 dölettin insan heqliri teshkilatlirining mes'ulliri qatnashqan.

Ikki kün dawam qilghan bu yighinda, yawro - asiya döletliridiki ayallarning mesililiri muzakire qilinip, yighin axirida pütün dunya döletlirining parlaméntlirigha ewetish üchün qarar maqullan'ghan.

 Bu yighinni uyushturghan türk dunyasi insan heqliri jem'iyitining bashliqi abdulla buksurning éytishiche, yighinda maqullan'ghan bu qararda nuqtiliq halda dunya döletliri afghanistan, iraq we sherqiy türkistandiki xanim - qizlar duchar boliwatqan insan heqliri depsendilirini toxtitishqa chaqirilghan.

Bu yighin'gha gerche Uyghur wekiller qatnashmighan bolsimu, Uyghur ayallirining mesililiri nuqtiliq halda yighinning kün tertipige kelgen.

Biz bu yighin heqqide tepsili melumat élish üchün, bu yighinni uyushturghuchi organlardin biri bolghan türk dunyasi insan heqliri teshkilati bashliqi abdulla buksur ependige mikrofonimizni uzattuq.

Yuqiridiki awaz ulinishidin, bu heqtiki melumatimizning tepsilatini anglaysiler.   


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet