Унутулған нахшилар (1)
Мухбиримиз әркин тарим
2010.01.06
2010.01.06
RFA Photo / Erkin Tarim
Шәрқий түркистан җумһурийити мәзгилидә 13 - 14 яшларда болған назим қәмбәри әпәнди бу нахшиларни өз қолиқи билән аңлиған вә оқиған. Бу һәқтә тәпсилий мәлумат елиш үчүн һазир бешкәктә яшаватқан назим қәмбәри әпәнди билән телефон сөһбити елип бардуқ.
Назим қәмбәри әпәнди сөзидә, шәрқий түркистан җумһурийити қурулүши билән, һүкүмәт рәһбәрлири атақлиқ музикант рози тәмбир, зикри әлпәттаһ вә сәйдуллаһ қаряғдиларни чақирип дөләт марши йезиш һәққидә вәзипә бәргәнликини ейтти. Бу атақлиқ сазәндиләр `алға чамдаш`, `төрәм кәлди`, `ана вәтиним` дегәнгә охшаш 4 нахшиниң аһаңини текистини ейтип бәргәнликини, дөләт рәһбәрлириниң буларниң ичидин `ана вәтиним` дегән нахшини дөләт марши қилсақ болидикән дейишкәнликини, у сорунға өзиниңму яндин шаһит болғанлиқини ейтти.
Назим қәмбәри әпәнди бизгә шу нахшилардин арийәләр оқуп бәрди.
Назим қәмбәри әпәнди бизгә бәргән мәлуматларға асасланғанда, шәрқий түркистан җумһурийити мәзгилидә 30 әтрапида нахша иҗат қилинип оқулған болуп, бүгүнки күнгә кәлгәндә бу нахшиларни билидиған кишиләр көп қалмиған. Назим қәмбәри ядида қалғанларни өзи рәтләп чиққан.
Юқиридики аваз улинишидин, бу һәқтики мәлуматимизниң тәпсилатини аңлайсиләр.