2008 ‏ - Йили уйғурлар һаятида йүз бәргән 10 чоң вәқә

Бүгүн 31‏ - декабир күни, йәни 2009 ‏ - йили йеңи йил һарписи. Алдинқи бир йил ичидә уйғурлар һаятида қандақ чоң вәқәләр йүз бәрди? бу вәқәләр уйғур һаятиға қандақ тәсир көрсәтти вә яки вәқәләрниң уйғур һаятидики әһмийити немә? биз бүгүн мана бу темиларда муһаҗирәттики уйғур көзәткүчиләрниң пикирлирини игилидуқ.
Мухбиримиз шөһрәт һошур
2008-12-31
Share
Uyg-10-chong-Ish2-305 Сүрәт, 2008 ‏ - йили уйғурлар һайатида йүз бәргән 10 чоң вәқәләрдин тәрмиләр. Арқа көрүнүштә, қәшқәр пуқралири өлгән 16 хитай әскириниң матимигә мәҗбури елип чиқилған көрүнүш.
RFA

Уйғур көзәткүчиләр бирдәк һалда, 4‏ - авғуст сәмәнйоли вәқәсини уйғур һаятидики әң чоң вәқә дәп көрсәтти. Америкида яшаватқан сиясий көзәткүчи илшат һәсәнҗан әпәнди 4‏ - авғуст сәмәнйоли вәқәсини биринчи орунға қойидиғанлиқини ипадилиди.

Германийидә яшаватқан сиясий көзәткүчи күрәш атахан әпәндиниң қаришичә, бу йил явропа парламентидики бир түркүм әзаларниң уйғур миллий һәрикитиниң рәһбири рабийә қадир ханимни қоллап баянат елан қилиши, уйғурлар һаятидики чоң вәқәләрдин биридур.

Шу мәзгилдә хитай ташқи ишлар баянатчиси чин гаң рабийә қадир ханим һәққидә тохтилип, ханимни террорчиларниң каттивеши дәп әйиблигән иди; явропа бирлики буниңға дәрһал инкас қайтуруп, рабийә қадир ханимниң әркинлик үчүн күрәш қилғучи икәнликини, уйғурларниң өз сиясий һоқуқи үчүн күрәш қиливатқанлиқини билдүргән иди. Нөвәттә шиветсийидә яшаватқан, йиллар илгири или кәчлик гезитидә баш тәһрир болуп хизмәт ишлигән.

Уйғур зиялийлиридин раһилә камал ханим, 10 ‏ - авғуст кучада йүз бәргән зәнҗирсиман партлаш вәқәсини уйғурлар һаятидики унтулмас вәқәләр дәп билдүрди. Бу вәқәниң әһмийитини илшат әпәндиму шәрһиләп өтиду.

Илшат әпәнди сөзидә йәнә, гуантанамодики уйғур мәһбусларниң америка соти тәрипидин ақлинишини вә рабийә ханимниң олимпик һарписида америка президенти җорҗ буш билән көрүшкәнликини муһим вәқәләр дәп көрситиду.

Көзәткүчиләрниң қаришичә, бу йил 23 ‏ - март күни хотәндә йүз бәргән аяллар намайиши уйғур һаятидики зор вәқәләрдин биридур.

Нөвәттә әнглийидә билим ашуруватқан, хәлқара қәләмкәшләр җәмийитиниң баш катипи қәйсәр абдурусул әпәнди бу һәқтә қарашлирини оттуриға қойиду.

Канадада яшаватқан уйғур зиялийлиридин гүлшән абдуқадир ханим юқиридики көзәткүчиләрниң көрсәткәнлирини тоғра дәп қараш билән биллә, америкидики уйғур алими, төрәлмә ғол һүҗәйрә мутәхәссиси шөһрәт мутәллипниң, "йеңи клонлаш техникиси" һәққидики тәтқиқат нәтиҗисини шундақла йәнә уйғур алими әркин сидиқ тәрипидин кәшип қилинған вә наса тәрипидин мукапатланған, "аләм бошлуқидики телескопни йәр шари башқуруш мәркизидә тәңшәш техникиси" қатарлиқ вәқәләрни чоң вәқәләр дәп санап өтти.

Илшат әпәнди сөзидә йәнә, 19яшлиқ уйғур қизи гүзәлнур турди тәрипидин елип берилди дәп қаралған 7 ‏- март айропилан булаш вәқәсиниму муһим вәқәләр дәп көрсәтти.

Һөрмәтлик оқурмәнләр, юқирида силәргә, 2008 - йили уйғурлар һаятида йүз бәргән 10 чоң вәқә һәққидә муһаҗирәттики уйғур көзәткүчиләрниң қарашлирини  тонуштуруп өттуқ.



Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт