Уйғур академийиси “достимиз илим - мәрипәт, дүшминимиз наданлиқ вә җаһаләт”

Мәркизи истанбулға җайлашқан уйғур академийиси җәмиийтиниң уюштуруши билән үчинчи қетимлиқ уйғур магистир вә доктор оқуғучилири илмий муһакимә йиғини 23 - декабирда истанбул зәйтибурну райониға җайлашқан деңиз фәнәри җәмиийити йиғин залида “достимиз илим - мәрипәт, дүшминимиз наданлиқ вә җаһаләт” шуари астида ечилди.
Ихтиярий мухбиримиз батур
2012.12.25
uyghur-akamiyisi-ablet-turan-305.png Уйғур академийисиниң 3-қетимлиқ ечилиш мурасимида йүрәк кесәлликләр мутәхәссиси абләт туран әпәнди сөз қилмақта
RFA/Batur


Муһакимә йиғини башлиништин бурун уйғур академийиси рәиси абләт туран әпәнди ечилиш сөзи қилип, йәкшәнбә күнидә йирақ - йиқиндин кәлгән йиғин әһлигә рәһмәт ейтқандин кейин, уйғур академийсиниң пүтүн уйғурларниң академийиси икәнликини, қәйәрдә болушидин қәтиийнәзәр уйғурларда һаяҗан вә үмидниң йоқалмаслиқини тәкитләп, көпчиликниң уйғур академийсини мадди вә мәниви җәһәттин қоллап, һәқиқий бир уйғур академийисиниң қурулушиға төһпә қошушқа чақирди.

Уйғур тилиниң ишлитиш даириси күндин - күнгә тарийиватқан; уйғур тилиниң заман тәрәққиятиға маслишалмайватқанлиқи сәпсәтиси әвҗ еливатқан бүгүнки дәвримиздә ечилған бу илмий муһакимә йиғинида, истанбул вә әнқәрәдин кәлгән уйғур доктор вә магистир оқуғучилири тарих, иқтисад, тибабәт, муһит асраш, һойла - арам мәдәнийити вә маарип саһәлиридә тәйярлиған мақалилирини сунди.

Уйғур академийиси түркийидә оқуватқан уйғур магистир вә доктор оқуғучилириға өзини йетилдүрүш имканийити яритип бериш вә илһам бериш мәқситидә, һәр йили бир қетим түркийидики уйғур оқуғучилар үчүн уйғур тилида илмий муһакимә йиғини уюштуруп кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.