Uyghur baliliri we 1 - iyun balilar bayrimi

Uyghur élining xoten wilayitidiki melum bir qosh - til mektipining oqughuchiliri.

Emma milliy ma'aripi xiris we yoqitishqa, éghir derijide duch kiliwatqan Uyghur ilidiki ösmür balilar bu bayram künini qandaq shekilde ötkizidu? balilar bayrimi harpisida wetendin igilen'gen xewerlerge qarighanda, bu qétimqi balilar bayrimining siyasiy tüsi bashqa yillardikige qarighanda téximu éghirlashturulghan bolup, her qaysi Uyghur mektepliride balilar bayram küni üchün teyyarlan'ghan sen'et programmilirining hemmisi milletler ittipaqliqini,partiyining siyasitini medhiyileshni asasi mezmun qilghan.

Daghdughuluq bayraq chiqirish murasimi we parattin ötüsh qatarliq pa'aliyetlerge ders qaldurup turup teyyarliq qilish bashlinip ketken. Buningdin bashqa Uyghur balilar türlük sowgha - salamlarni élip xitay mekteplirige bérip xitay oqughuchilardin hal sorash, itay tilida nutuq sözlep ulargha bolghan dostluqini izhar qilish qatarliq türlük pa'aliyetlirini bille ötküzüshke mejburlan'ghan.

Netijide ösmür balilarning bighubar baliliq dunyasining xushal - xoramliqi üchün pütün dunya miqiyasida ajritilghan bu bir ehmiyetlik kün Uyghur ilidiki bextsiz Uyghur baliliri üchün yenila siyasiy teshwiqat künige aylinip qalghan.

Nöwette öz ana tilini öginish, illiy kimlik terbiyisi élish, milliy orup - aditi buyiche terbiyilinish pursitidin mehrum qaldurulghan Uyghur yash - ösmürlirining siyasi, iqtisadi jehettiki éghir bésimlar tüpeylidin mekteplerde yaxshi terbiyilinish pursiti kam bolupla qalmastin, mekteptin qélish, erzan emgek küchliri süpitide xitay ölkilirige sétilish, oghriliq qilish, xéro'in sétishqa mejburlinish, bala emgek küchi supitide jem'iyet teripidin paydilinip kitish ehwalliri intayin éghirlashmaqta.

Bu xil ehwallargha qarita chet'ellerdiki Uyghur teshkilatliri we bir qisim Uyghur ziyaliyliri Uyghur milli'i ma'aripini qutquzup qélish üchün türlük xizmetlerni ishlewatqan bolup, bu jeryanda her qaysi xelq'araliq kishilik hoquq organlirining yardimini qolgha keltürüp ular bilen bille ish birligi élip bérish üchün dawamliq tirishchanliq körsetmekte.

Yuqiridiki awaz ulinishidin, bügünki balilar heqqidiki programmimizning tepsilatini anglaysiler.