Уйғур деһқан намайишчилири тйәнәнмен мәйданида тосувелинди

Хотәнниң гума наһийиси қаратағиз йезисидин бейҗиңға кәлгән бир топ деһқанлар, шәнбә күни наразилиқ намайиши өткүзүш үчүн тйәнәнмен мәйданиға йетип кәлгәндә сақчилар тәрипидин тосувелинған вә мәҗбури һалда бейҗиңдики бир әрздарларни йиғивелиш мәркизигә орунлаштурулған.
Мухбиримиз шөһрәт һошур
2010.11.07
Uyghur-dixanliri-tyenenmende-tosowelinghan-xoten-dixanliri-305 Сүрәт, хотәнниң гума наһийиси қаратағиз йезисидин бейҗиңға кәлгән бир топ деһқанлар, шәнбә күни наразилиқ намайиши өткүзүш үчүн тйәнәнмен мәйданиға йетип кәлгәндә сақчилар тәрипидин тосувелинған көрүнүш.
http://peacehall.com Дин елинди.

Хотәнниң гума наһийиси қаратағиз йезисидин  бейҗиңға  кәлгән бир топ деһқанлар, шәнбә күни наразилиқ намайиши өткүзүш үчүн тйәнәнмен мәйданиға йетип кәлгәндә сақчилар тәрипидин тосувелинған вә мәҗбури һалда бейҗиңдики бир әрздарларни йиғивелиш мәркизигә орунлаштурулған.

Мухбиримизниң игилишичә, шу күни 25 кишидин тәшкилләнгән бу бир гуруппа намайишчи, тйәнәнмен мәйданиға йеқин җайдики Аптобус бекитидин, икки сәп болуп тизилип тйәнәнмен мәйданиға қарап йүрүш қилған.

Намайиш йетәкчиси сәпниң алдида хитайниң дөләт байриқини көтүрүп маңған. Йүрүш аптобус бекити билән тйәнәнмен мәйдани арисидики 2 километир мусапидә давам қилған.

Булар әслидә бейҗиңға, өзлириниң пахта вә чилан қатарлиқ деһқанчилиқ мәһсулатлирини әркин базарда сетишқа йол қоюлмиғанлиқи вә 50% төвән баһада дөләт игиликидики ширкәткә сетип беришкә мәҗбурланғанлиқи үчүн, өзлири тәвә деһқанчилиқ мәйдани рәһбәрлири үстидин әрз қилип кәлгәнләр икән.

Бир әрздарниң инкас қилишичә, бу әрздарлар дүшәнбә күни дөләтлик әрзийәт идарисидикиләр билән көрүшмәкчи, әгәр қанаәтлинәрлик җавабқа еришәлмисә, намайиш үчүн тйәнәнмен мәйданиға қайта чиқмақчи икән.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.