Uyghur déhqan namayishchiliri tyen'enmén meydanida tosuwélindi

Xotenning guma nahiyisi qarataghiz yézisidin béyjinggha kelgen bir top déhqanlar, shenbe küni naraziliq namayishi ötküzüsh üchün tyen'enmén meydanigha yétip kelgende saqchilar teripidin tosuwélin'ghan we mejburi halda béyjingdiki bir erzdarlarni yighiwélish merkizige orunlashturulghan.
Muxbirimiz shöhret hoshur
2010-11-07
Élxet
Pikir
Share
Print
Süret, xotenning guma nahiyisi qarataghiz yézisidin  béyjinggha  kelgen bir top déhqanlar, shenbe küni naraziliq namayishi ötküzüsh üchün tyenenmén meydanigha yétip kelgende saqchilar teripidin tosuwélinghan körünüsh.
Süret, xotenning guma nahiyisi qarataghiz yézisidin béyjinggha kelgen bir top déhqanlar, shenbe küni naraziliq namayishi ötküzüsh üchün tyenenmén meydanigha yétip kelgende saqchilar teripidin tosuwélinghan körünüsh.
http://peacehall.com Din élindi.

Xotenning guma nahiyisi qarataghiz yézisidin  béyjinggha  kelgen bir top déhqanlar, shenbe küni naraziliq namayishi ötküzüsh üchün tyen'enmén meydanigha yétip kelgende saqchilar teripidin tosuwélin'ghan we mejburi halda béyjingdiki bir erzdarlarni yighiwélish merkizige orunlashturulghan.

Muxbirimizning igilishiche, shu küni 25 kishidin teshkillen'gen bu bir guruppa namayishchi, tyen'enmén meydanigha yéqin jaydiki Aptobus békitidin, ikki sep bolup tizilip tyen'enmén meydanigha qarap yürüsh qilghan.

Namayish yétekchisi sepning aldida xitayning dölet bayriqini kötürüp mangghan. Yürüsh aptobus békiti bilen tyen'enmén meydani arisidiki 2 kilométir musapide dawam qilghan.

Bular eslide béyjinggha, özlirining paxta we chilan qatarliq déhqanchiliq mehsulatlirini erkin bazarda sétishqa yol qoyulmighanliqi we 50% töwen bahada dölet igilikidiki shirketke sétip bérishke mejburlan'ghanliqi üchün, özliri tewe déhqanchiliq meydani rehberliri üstidin erz qilip kelgenler iken.

Bir erzdarning inkas qilishiche, bu erzdarlar düshenbe küni döletlik erziyet idarisidikiler bilen körüshmekchi, eger qana'etlinerlik jawabqa érishelmise, namayish üchün tyen'enmén meydanigha qayta chiqmaqchi iken.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet