Моңғулийидә йеңидин тепилған орхун йенисәй уйғур дөлитигә аит ядикарлиқлар

Йиғинда бәзи тарихчилар уйғурлар һәққидики йеңи тәтқиқат доклатлирини аңлиғандин кейин уйғур тарихини йеңидин йезип чиқиш керәкликини ейтқан.
Ихтиярий мухбиримиз әркин тарим
2011.08.23
erkin-ekrem-kultekin-abidiside-305.jpg Әркин әкрәм көлтекин абидисидә. 2011-Йили авғуст.
RFA/Erkin Tarim

8-Айниң 15-вә 16-күнлири моңғулийиниң пайтәхти уламбатурда өткүзүлгән “түрк мәдәнийитиниң тәрәққият басқучлири: башланғуч мәзгили вә йезиқлар мәзгили” мавзулуқ хәлқаралиқ илмий муһакимә йиғинида йенисәй уйғур дөлити һәққидә көплигән йеңи тәтқиқат доклатлири оқуп өтүлгән. Бу йиғинда, 16 дөләттин кәлгән 70 әтрапида түрколог, археолог вә тарихчи көктүрк дөлити, уйғур дөлити вә идиқут дөлити дәвригә аит илмий мақалилирини оқуп өткән болуп буларниң көпи йенисәй уйғур дөлити мәзгилигә аит йеңи тепилған тарихий асарә-әтиқиләр һәққидә икән. Бу йиғинға қатнашқан илим адәмлириниң ейтишичә, үч-төт йилдин бери японийә вә корийиниң мәбләғ селиши билән моңғул археологлар уйғур дөлитиниң пайтәхти баласағун шәһиридә қезиш елип берип қәдимки уйғур мәһәллилири, уйғур мазарлири, уйғурлар ишләткән өй җабдуқлири вә йезиқларни тапқан. Һаҗәттәпә университети тарих оқутқучиси доктор әркин әкрәмниң ейтишичә, моңғулийидә тепилған бу әсәрләр уйғур мәдәнийәт тарихини тәтқиқ қилиш үчүн интайин муһим икән.

Orhun-yenisey-Uygur-Dolitining-paytehtining-ichki-qismi-385.jpg
Орһун йәнисәй уйғур дөлитиниң пайтәхтиниң ички қисми. 2011-Йили авғуст.
RFA/Erkin Tarim

Униң ейтишичә, йиғинда бәзи тарихчилар уйғурлар һәққидики йеңи тәтқиқат доклатлирини аңлиғандин кейин уйғур тарихини йеңидин йезип чиқиш керәкликини ейтқан. 7-Әсирниң оттурилиридин 8-әсирниң оттурилириғичә бүгүнки моңғулийә земинида һөкүм сүргән қәдимки орхун йенисәй уйғур дөлитиниң пайтәхти баласағунда вә униң әтрапида елип бериливатқан археологийилик қезишта немиләр тепилди, буларниң уйғур тәтқиқатидики роли немә, растинила уйғур тарихини йеңидин йезип чиқиш керәкму дегәнгә охшаш соалларға җаваб тепиш үчүн моңғулийидин йеңи қайтип кәлгән доктор әркин әкрәм әпәнди билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.