Türkiyidiki Uyghurlar muhsin yaziji'oghlu üchün yash tökti

Ayropilan qazasida qaza tapqan büyük birlik partiyisi bashliqi muhsin yaziji'oghlu bügün dölet murasimi bilen depne qilindi. Murasimda 100 ming etrapida insan lidiri üchün yash tökti. Bularning ichide qolida ay yultuzluq bayraqlarni kötüriwalghan köp sanda Uyghurlarmu bar idi.
Muxbirimiz erkin tarim
2009-03-31
Share
Namaz-Muhsin-Yazicioglu-parlament-305 Ayropilan qazasida qaza tapqan büyük birlik partiyisi bashliqi muhsin yazijioghluning depne murasimidin bir körünüsh. Sürette, ay yultuzluq kök bayraqlarni kötürüwalghan köp sanda uyghurlarmu depne murasimida.
RFA Photo / Erkin Tarim

Uyghurlar muhsin yaziji'oghluning tunji qétim türk parlaméntigha sherqiy türkistan mesilisini élip kirgen kishi ikenlikini sherqiy türkistan dawasining yétim qalghanliqini éytishti.
 
Türkiye büyük birlik partiyisi bashliqi muhsin yaziji'oghlu türkiyining qehraman marash wilayitidin tik uchar ayropilan'gha olturup yozgat wilayitige kétiwatqanda ayropilan chüshüp kétip ghayip bolghan idi. Taghqa urulup parchilinip ketken tik uchar ayropilanning yénidin 48 sa'ettin kéyin, uning jesiti tépilghan idi.

Bügün yeni 3 - ayning 31 - küni türkiye parlaméntide dölet murasimi ötküzüldi. Bu murasimgha türkiye ré'is jumhuri abdullah gül, rejep tayyip erdoghan, türkiye armiyisi bash shitabi bashliqi ilker bashbugh, ministirlar, parlamént ezaliri, urugh - tughqanliri wetendashlardin bolup yüzminglarche kishi
Namaz-Muhsin-Yazicioglu-Uyghurlar-305
Ayropilan qazasida qaza tapqan büyük birlik partiyisi bashliqi muhsin yazijioghluning depne murasimidin bir körünüsh. Sürette, ay yultuzluq kök bayraq bilen sherqiy türkistan medeniyet we hemkarliq jemiyiti bashliqi séyit tümtürk we xeyrulla efendigil ependiler bashchiliqidiki uyghurlar depne murasimida.
RFA Photo / Erkin Tarim
Qatnashti.

Büyük birlik partiyisi bashliqi muhsin yaziji'oghlining jinaze murasimigha qeyseri we istanbuldin kelgen köp sanda Uyghurlarmu qatnashti.

Enqerening eng chong jamesi bolghan qojatepe jamisidiki jinaze namizigha yüzming etrapida kishi qatnashqan bolup musin yaziji'oghluning tabuti üstige türk bayriqi we ay yultuzluq kök bayraq qoyulghan. Biz qojatepe meqsitide bu murasimgha qatnishiwatqan Uyghurlargha mikrofonimizni uzattuq.

Büyük birlik partiyisi bashliqi muhsin yaziji'oghlu ependi, 1954 - yili türkiyining siwas wilayitining sharqishla yézisida dunyagha kelgen. Enqere uniwérsitétini püttürgen muhsin yaziji'oghlu 1987 - yili milletchi chalishma partiyiside siyasetke bashlighan bolup, 1993 - yilida bu partiyidin ayrilip büyük birlik partiyisini qurghan. 1995 - Yilidiki saylamda parlamént ezasi bolup saylan'ghan muhsin yaziji'oghlu, hazirmu türkiye parlaméntida parlamént ezasi bolup wezipe ötewatqan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet