Уйғур әрздарлар хитай һөкүмити үстидин шикайәт қилиш үчүн бейҗиңдики б д т ишханиси алдида иккинчи қетим топланди

Бейҗиңда туруватқан уйғур әрздарлар хитай һөкүмити үстидин шикайәт қилиш үчүн 2 һәптиниң алдида б д т ишханиси алдиға топланған вә 100 дин артуқ сақчи уларниң алдини зораванлиқ билән тосқан вә тарқитивәткән иди.
Мухбиримиз шөһрәт һошур
2011-01-25
Share
Uyghur-erzdar-Tursun-Ghopur-Beijing-kowruk-astida-305 Сүрәт, 2010 - йили 18 - авғуст, уйғур әрздар турсун ғопур бейҗиңдики мәлум көврүк астида бошүн тори мухбириниң зийаритини қобул қиливатқандики көрүнүши.
www.peacehall.com Дин елинди.

Бүгүн бу әрздарлар б д т ниң алдиға иккинчи қетим топланди. Буларниң сани өткән қетимда 8 нәпәр иди. Бу қетим 20 дин артуқ уйғур әрздар б д т алдиға топлинип, б д т хадимлириға шикайитини аңлитиш үчүн йәнә бир қетим урунуп көрди.

Бу 20 нәпәр әрздарниң ичидә, йеқинда ақсуниң куча наһийә ағу йезисидин кәлгән әрздарларму бар. Булар өзлирини юртиға қайтуруп әкетиш үчүн бейҗиңға йетип кәлгән куча наһийә рәһбәрлириниң тәһдитлиригә писәнт қилмай, бүгүнки бу паалийәткә қатнашқан.

Уйғур әрздарларниң баянлиридин мәлум болушичә, булар хитайниң һәр дәриҗилик һөкүмәт органлиридин үмидини үзгән, улар өзлириниң буниңдин кейинки әрз шикайәт босуғиси, хитай дөләтлик әрзийәт идариси әмәс, бәлки б д т ниң инсан һәқлири ишханиси болидиғанлиқини баян қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт