Полат завутиниң сабиқ ишчиси гүлҗәннәт: “биз бейҗиңға кишиләрниң йерини тартивалғили кәлмидуқ”

Үрүмчи полат завутиниң иштин бошитилған ишчиси гүлҗәннәт, түнүгүн бейҗиңға әрз үчүн 7 - қетим йетип кәлди. У бейҗиң шәһәр ичидики меһманханилардин ятақ алалмиғандин кейин, бейҗиңниң чәт җайлириға берип өй киралимақчи болған.
Мухбиримиз шөһрәт һошур
2011.12.16
Share on WhatsApp
Share on WhatsApp
Uyghur-erzdar-Tursun-Ghopur-Beijing-kowruk-astida-305 Сүрәт, 2010 - йили 18 - авғуст, уйғур әрздар турсун ғопур бейҗиңдики мәлум көврүк астида бошүн тори мухбириниң зийаритини қобул қиливатқандики көрүнүши.
www.peacehall.com Дин елинди.

Өй игилири шинҗаңлиқларға өй бәрмәслик һәққидә сақчидин уқтуруш барлиқини билдүрүп, униңға өй беришни рәт қилған. Бу мунасивәт билән радиомиз зияритини қобул қилған гүлҗәннәт, өзиниң бейҗиңға кишиләрниң йерини яки хизмитини тартивелиш үчүн кәлмигәнликини, шуңа өзигә қилинған муамилиниң бир адаләтсизлик вә инсапсизлиқ икәнликини билдүрди.

“биз бу хәққә охшаш, бейҗиңға буларниң йерини тартивалғили, хизмитини игәлливалғили, өйини чеқивәткили кәлмидуқ, қанун мушу йәрдә чиққан икән, бу қанун немә учун иҗра қилинмайду дәп қануний һәққимизни суруштә қилип кәлдуқ.”

Һормәтлик радио аңлиғучилар, аңлиғиниңлар, полат завутиниң сабиқ ишчиси гулҗәннәтниң сөзлири.

Өткән айниң 23 - куни мәркизи интизам тәкшуруш комитети алдида хитай сақчилири билән уйғур әрзадарлар арисида кәң бир мәйдан җидәл болған иди; җидәлдә хитай сақчилар 3 нәпәр уйғур әрзадарни уруп һушсизландуруп сақчиханиға елип маңған, буни көргән қалған 9 уйғур әрздар сақчи аптомобилиниң алдини тосувилип қаршилиқ корсәткән; гулҗәннәт сақчи аптомобилиниң алдини тосувалған әрздарлардин бири иди:

Шу кунки вәқәдин кейин, уларға 7 кунлуктин қамақ җазаси берилгән, гулҗәннәт бу җазаға рази болған, әмма, җаза муддитини бейҗиңда өтәшни, урумчигә қайтурувәтмәсликни тәләп қилған.

23 - Ноябирдики вәқәдин шу куни, мәркизи интизам тәкшуруш комитетиниң муавин секритари хе юңму хәвәр тапқан, бейҗиңдики хитай сақчилири, уларниң әрзиниң әмди һәл болидиғанлиқини, шуңа юртлириға қайтип китишини тәвсийә қилған; лекин әрздарлар қайтишни рәт қилған, шу кунләрдә урумчидин кәлгән даириләр, гулҗәннәт билән корушуп униңға йәнә вәдә бәргән вә уни урумчигә елип кәткән.

Гулҗәннәт йәнә алданғанлиқини уққандин кәйин, йәнә бейҗиңға сәпәр қилған, у алдинқи күни бейҗиңға йетип кәлгәндә, туридиған җай тапалмиғандин башқа, икки сәпдиши айгул тохти вә турсунҗан ғопурниңму қайтуруп китилип, қамақханиға солап қоюлғанлиқини уққан.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.