Polat zawutining sabiq ishchisi güljennet: "Biz béyjinggha kishilerning yérini tartiwalghili kelmiduq"

Ürümchi polat zawutining ishtin boshitilghan ishchisi güljennet, tünügün béyjinggha erz üchün 7 - qétim yétip keldi. U béyjing sheher ichidiki méhmanxanilardin yataq alalmighandin kéyin, béyjingning chet jaylirigha bérip öy kiralimaqchi bolghan.
Muxbirimiz shöhret hoshur
2011-12-16
Share
Uyghur-erzdar-Tursun-Ghopur-Beijing-kowruk-astida-305 Süret, 2010 - yili 18 - awghust, uyghur erzdar tursun ghopur béyjingdiki melum köwrük astida boshün tori muxbirining ziyaritini qobul qiliwatqandiki körünüshi.
www.peacehall.com Din élindi.

Öy igiliri shinjangliqlargha öy bermeslik heqqide saqchidin uqturush barliqini bildürüp, uninggha öy bérishni ret qilghan. Bu munasiwet bilen radi'omiz ziyaritini qobul qilghan güljennet, özining béyjinggha kishilerning yérini yaki xizmitini tartiwélish üchün kelmigenlikini, shunga özige qilin'ghan mu'amilining bir adaletsizlik we insapsizliq ikenlikini bildürdi.

"Biz bu xeqqe oxshash, béyjinggha bularning yérini tartiwalghili, xizmitini igelliwalghili, öyini chéqiwetkili kelmiduq, qanun mushu yerde chiqqan iken, bu qanun néme uchun ijra qilinmaydu dep qanuniy heqqimizni surushte qilip kelduq."

Hormetlik radi'o anglighuchilar, anglighininglar, polat zawutining sabiq ishchisi guljennetning sözliri.

Ötken ayning 23 - kuni merkizi intizam tekshurush komitéti aldida xitay saqchiliri bilen Uyghur erzadarlar arisida keng bir meydan jidel bolghan idi؛ jidelde xitay saqchilar 3 neper Uyghur erzadarni urup hushsizlandurup saqchixanigha élip mangghan, buni körgen qalghan 9 Uyghur erzdar saqchi aptomobilining aldini tosuwilip qarshiliq korsetken؛ guljennet saqchi aptomobilining aldini tosuwalghan erzdarlardin biri idi:

Shu kunki weqedin kéyin, ulargha 7 kunluktin qamaq jazasi bérilgen, guljennet bu jazagha razi bolghan, emma, jaza mudditini béyjingda öteshni, urumchige qayturuwetmeslikni telep qilghan.

23 - Noyabirdiki weqedin shu kuni, merkizi intizam tekshurush komitétining mu'awin sékritari xé yungmu xewer tapqan, béyjingdiki xitay saqchiliri, ularning erzining emdi hel bolidighanliqini, shunga yurtlirigha qaytip kitishini tewsiye qilghan؛ lékin erzdarlar qaytishni ret qilghan, shu kunlerde urumchidin kelgen da'iriler, guljennet bilen korushup uninggha yene wede bergen we uni urumchige élip ketken.

Guljennet yene aldan'ghanliqini uqqandin keyin, yene béyjinggha seper qilghan, u aldinqi küni béyjinggha yétip kelgende, turidighan jay tapalmighandin bashqa, ikki sepdishi aygul toxti we tursunjan ghopurningmu qayturup kitilip, qamaqxanigha solap qoyulghanliqini uqqan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet