Jasus gumandari babur mexsut heqqide melumatlar(1)

Shwétsiyidiki alaqidar tarmaqlar bügün, ötken ayda qolgha élin'ghan jasus gumandarining ismini ashkarilidi. Ashkarilinishiche, gumandarning ismi babur mexsut, milliti Uyghur, yéshi 61 yash.
Muxbirimiz shohret hoshur
2009.06.18
Share on WhatsApp
Share on WhatsApp
Jasus-gumandari-Babur-Mexsut1-305 Sürette, jasus gumandari babur mexsutning 2009 - yili may éyida washingtonda échilghan d u q ning yighini jeryanida ötküzülgen xitay elchixanisi aldidiki namyishqa qatnishiwatqan kürünüsh bolup, jasus gumandari babur mexsut ongdin ikkinchi kishi.
RFA Photo

Jasus gumandari babur mexsut, ötken ayda washin'gtonda échilghan dunya Uyghur qurultiyining yighinigha qatnashqan. Yighindin qaytqandin kéyin, jasusluq wezipisini ötewatqan neq meydanda qolgha élin'ghan.

Shwétsiyidiki Uyghur teshkilati we jama'itining bildürüshiche, jasus gumandari babur mexsut, qolgha élin'ghan'gha qeder jama'et ichide gumanliq söz , herketlerde bolmighan؛ eksi'iche jama'et bilen inaq - ittipaq ötken. U hetta dunyaning her qaysi jaylirida ötküzülgen Uyghur milliy her - ketlirige aktipliq bilen ishtirak qilghan.

U ötken ayda washin'gtonda échilghan dunya Uyghur qurultiyining 3 ‏- qétimliq qurultiyigha qatnashqan. Dunya Uyghur qurultiyining bash katipi dolqun eysaning bildürüshiche, babur bu qétimqi yighin'gha méhman wekil süpitide qatnashqan.

Jasus gumandari babur meqsut, washin'gton sepiride dunya Uyghur qurultiyining bayanatchisi dilshat rishit we xelq'ara qelem merkizining teptishi abdurishit kérimi bilen bir ayropilanda olturghan.

Washin'gtondiki yighinda, babur meqsut bilen bir yataqta yatqan, hem baburning kona tonushliridin biri bolghan abdurishit haji kérimi babur heqqidiki bilgenlirini jama'etke yetküzdi.

Hörmetlik oqurmenler, yuqirida biz silerge jasus gumandari babur meqsut heqqide jama'ettin igiligen melumatlirimizni yetküzduq.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet