Yawropa parlaméntida “Teqdiri belgiliniwatqan keshmir, sherqiy türkistan we gilgit baltistan” yighini ötküzüldi

7-Dékabir küni etigen sa'et 8 yérimda yawropa parlaméntida “Teqdiri belgiliniwatqan keshmir, sherqiy türkistan we gilgit baltistan” mawzuluq yighin ötküzüldi. Yighinda yawropa parlaménti parlamént ezasi, gilgit baltistan dostluq guruppisi bashliqi jurgen krotzman ependi, parlamént ezasi, gilgit baltistan dostluq guruppisi ezasi kristina yojuland xanim, kanada xelq'ara tinchliq we démokratiye tetqiqat merkizi mudiri mumtaz xan, insan heqliri pa'aliyetchisi yazghuchi roy strider we dunya Uyghur qurultiyining yawropa parlaméntidiki ish béjirish xadimi memet toxti ependiler qatnashti we söz qildi. 3 Sa'etke yéqin dawamlashqan bu yighin'gha yene parlamént ezaliri, yawropa parlaménti insan heqliri komitéti mes'ulliri, xitay, hindistan, pakistan ishlirigha mes'ul bölümlerning xadimliri we mutexessislerdin bolup 50 etrapida kishi qatnashqan.

Muxbirlargha yépiq échilghan bu yighinda azad keshmir, sherqiy türkistan we sherqiy türkistan bilen chégridash bolghan gilgit baltistanning tarixtiki orni, bügünki weziyiti we kündin-kün'ge éghirlishiwatqan xitay xewpi toghrisida muhakime élip bérilghan. Memet toxti ependining déyishiche, yighinda nuqtiliq halda xitayning hazir u rayonda élip bériwatqan kéngeymichilik siyasiti heqqide muhakime élip bérilghan.

Biz neq meydan'gha téléfon qilip, memet toxtidin yawropa parlaméntida ötküzülgen “Teqdiri belgiliniwatqan keshmir, sherqiy türkistan we gilgit baltistan” mawzuluq yighin heqqide tepsiliy melumat igiliduq.