Uyghur mesilisi türkiyining qaradéngiz rayonida

Dunya Uyghur qurultiyining türkiyide élip bériwatqan pa'aliyetlirining 3-békiti bolghan giresun wilayitide Uyghur mesilisi xelqning zor qiziqishigha érishti. Dunya Uyghur qurultiyi mu'awin bashliqi, sherqiy türkistan medeniyet we hemkarliq jem'iyiti bashliqi séyit tümtürk ependi 24- we 25-may künliri siwas we trabzon wilayetliridiki pa'aliyetlirini axirlashturup, 5-ayning 26-küni türkiyining sherqiy qaradéngiz rayonigha jaylashqan giresun wilayitige yétip kelgen.
Muxbirimiz erkin tarim xewiri
2008.05.27
uyghur-mesilisi-giresunda-305 D u q muawin bashliqi séyit tümtürk ependi paaliyetlirini dawamlashturup, 5-ayning 26-küni türkiyining sherqiy qaradéngiz rayonigha jaylashqan giresun wilayitige yétip kelgen.
RFA Photo / Erkin Tarim
u0527-erkin
Anglash Awazni köchürüsh

 Séyit tümtürk ependi aldi bilen giresunning TEMPO téléwiziyisining programmisigha qatniship Uyghur mesilisi heqqide téléwizor körgüchilerge melumat bergen bolsa, kéyin giresun uniwérsitétining teklipige bina'en uniwérsitétning chong yighin zalida, sherqiy türkistanning ötmüshi we bügüni témisida söz qilghan. Bu konfiransqa uniwérsitét rehberliri, oqutquchi - oqughuchilar hetta bashlan'ghuch, ottura mekteplerning oqutquchi- oqughuchilirimu qatnashqan.

Yighin axirlashqandin kéyin bolsa oqughuchi - oqutquchilar séyit tümtürk ependini oriwélip uzun waqitqiche uningdin Uyghurlar heqqide su'allarni sorap téximu tepsiliy melumat igisi bolushqa tirishqan.

 Biz neq meydan'gha téléfon qilip pa'aliyet buyiche séyit tümtürk ependi bilen birlikte pa'aliyetlerge ishtirak qilghan waris ependi bilen söhbet élip barduq, u uniwérsitét zalini liq toldurghan anglighuchilarning Uyghur mesilisige bolghan munche qiziqishining özini heyran qaldurghanliqini, bu oqughuchilarning 20 pirsentining kurd oqughuchilar ikenlikini, Uyghur mesilisige qiziqishning türkler bilen Uyghurlarning qérindash millet bolushidin ziyade, insaniy jehettin bolghanliqini éytti.

Yuqiridiki awaz ulinishidin, warisjan ependi bilen élip barghan söhbitimizning tepsilatigha qulaq salghaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.