Уйғур нахша - усуллири хәлқара фестивалда алқишқа еришти

Сүрәт, шәрқий түркистан мәдәнийәт вә һәмкарлиқ җәмийити әнқәрә шөбиси башлиқи хәйрулла әфәндигил әпәнди уйғурларниң бай сәнитини тонуштурушиға шәрт - шараит йаритип бәргән әтимәсгут районлуқ һөкүмәтниң башлиқи әнвәр демирәл әпәндигә уйғур дийаридин елип келингән чоң бир көкчә қоғун совғат қиливатқан көрүнүш.

Оттура асия түркий җумһурийәтлири һәрқайси, түркий милләтләр вә түркийидин кәлгән миңлиған фестивал әһли қоллирида көк байрақ билән түркийиниң ай - юлтузлуқ қизил байриқини ләпилдәткән һалда уйғур нахша - усуллирини көрди.

Алаһидә тәклипкә бинаән истанбулдин кәлгән уйғур нахша - усул өмики оюн қоюп болғандин кейин, шәрқий түркистан мәдәнийәт вә һәмкарлиқ җәмийити әнқәрә шөбисиниң башлиқи хәйрулла әфәндигил әпәнди сәһнидә сөз қилип уйғурларниң бай сәнитини тонуштурушиға шәрт - шараит яритип бәргән әтимәсгут районлуқ һөкүмәтниң башлиқи әнвәр демирәлгә әпәндигә вә түрк хәлқигә рәһмәт ейтти. Кейин, әнвәр демирәлгә әпәндигә уйғур дияридин елип келингән чоң бир көкчә қоғун совғат қилинди.

RFA Photo / Ekin Tarim

9 - Айниң 17 - күнидин 26 - күнигичә өткүзүлидиған бу фестивалға түркийидин 23 җәмийәт вә вәхпә, оттура асия түркий җумһурийәтлири вә башқа түркий милләтләрдин вәкилләр қатнашмақта.

Фестивалниң, 9 - айниң 26 - күни өткүзүлидиған, йепилиш мурасимида түркийиниң даңлиқ нахшичиси сибәл җан номур көрситидикән.

Юқиридики аваз улинишидин, бу һәқтики мәлуматимизниң тәпсилатини аңлайсиләр.