Uyghur naxsha - usulliri xelq'ara féstiwalda alqishqa érishti

Süret, sherqiy türkistan medeniyet we hemkarliq jemiyiti enqere shöbisi bashliqi xeyrulla efendigil ependi uyghurlarning bay senitini tonushturushigha shert - sharait yaritip bergen etimesgut rayonluq hökümetning bashliqi enwer démirel ependige uyghur diyaridin élip kélingen chong bir kökche qoghun sowghat qiliwatqan körünüsh.

Ottura asiya türkiy jumhuriyetliri herqaysi, türkiy milletler we türkiyidin kelgen minglighan féstiwal ehli qollirida kök bayraq bilen türkiyining ay - yultuzluq qizil bayriqini lepildetken halda Uyghur naxsha - usullirini kördi.

Alahide teklipke bina'en istanbuldin kelgen Uyghur naxsha - usul ömiki oyun qoyup bolghandin kéyin, sherqiy türkistan medeniyet we hemkarliq jem'iyiti enqere shöbisining bashliqi xeyrulla efendigil ependi sehnide söz qilip Uyghurlarning bay sen'itini tonushturushigha shert - shara'it yaritip bergen etimesgut rayonluq hökümetning bashliqi enwer démirelge ependige we türk xelqige rehmet éytti. Kéyin, enwer démirelge ependige Uyghur diyaridin élip kélin'gen chong bir kökche qoghun sowghat qilindi.

RFA Photo / Ekin Tarim

9 - Ayning 17 - künidin 26 - künigiche ötküzülidighan bu féstiwalgha türkiyidin 23 jem'iyet we wexpe, ottura asiya türkiy jumhuriyetliri we bashqa türkiy milletlerdin wekiller qatnashmaqta.

Féstiwalning, 9 - ayning 26 - küni ötküzülidighan, yépilish murasimida türkiyining dangliq naxshichisi sibel jan nomur körsitidiken.

Yuqiridiki awaz ulinishidin, bu heqtiki melumatimizning tepsilatini anglaysiler.