Уйғур районида йолға қоюлған нопус етибар сияситидиму уйғурлар чәткә қеқилди

Хитай йеқинда уйғур районида нопуссиз яшаватқан 6 милйон кишигә нопус беридиғанлиқи һәққидә һөҗҗәт чиқарған иди. Бу һөҗҗәтниң уйғур районида яшаватқан хитай көчмәнлириниң мәнпәити үчүн чиқирилғанлиқи ениқ болсиму, үрүмчидә нопуссиз яшаватқан уйғурларму бу пурсәттин мәнпәәт күткән иди. Игилишимизчә, үрүмчидики нопуссиз уйғурлар хитайниң нопусқа орунлаштуруш җәһәттики бу етибар сияситидиму чәткә қеқилған.
Мухбиримиз шөһрәт һошур
2012.09.07
Share on WhatsApp
Share on WhatsApp
xitay-kochmen-305.jpg Гәнсу, хунән, вә сичүәндин кәлгән хитай көчмәнлири үрүмчи кочилирида. 2010-Йили 14-ноябир.
AFP


Патигүл ғулам қәшқәр бәшкерәмдин. У 25 йилдин бери үрүмчидә яшимақта. Үрүмчигә 21 яш вақтида кәлгән патигүл, нопуси болмиғанлиқи үчүн һечқандақ бир йәргә иш издәп баралмиған, пәқәт көрпә - йекәндаз тикиштин ибарәт җапалиқ һүнәр билән күн кәчүрүп 4 балисини қатарға қатқан. Бу қетим хитайниң уйғур районида 6 милйон кишини нопусқа алидиғанлиқи һәққидики хәвәр патигүлгә аз - тола үмид бәргән. Лекин өзи олтурушлуқ аһалиләр комитетиниң хитай башлиқи билән учрашқанда, униң бу үмиди пүтүнләй йолға чиққан.

юқириқи шикайәтләрни қилғучи, 5 - июлдин кейинки ғайиплардин имаммәмәт елиниң аниси патигүл ғулам. У балисини издигәнлики үчүн нәзәрбәнд қилинған вә сәпәр қилиши чәкләнгән. Ғайиб болған оғлини тапалмайватқан патигүл әмдиликтә нопуссиз икки оғлиниң тәқдиридин әндишә қилмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.