Türkiye aliy rehberliri xelq'ara medeniyet féstiwalidiki Uyghur körgezme bölümide

Enqerening etimesqut rayonida échilghan 7 - nöwetlik xelq'araliq anatoliye medeniyet we sen'et féstiwali 26 - chésla ghelibilik axirlashti. Bu féstiwalgha türkiyidin 23 jem'iyet we weqip qatnashqandin sirt yene ottura asiya türkiy jumhuriyetliri hem bashqa türkiy milletlerning wekillirimu qatniship we mexsus bölüm échip özlirining medeniyet - sen'itini namayen qildi.
Muxbirimiz erkin tarim
2010-09-27
Share
Turkiey-milletchi-heriket-partisi-bashliqi-sherqiy-turkistan-körgezmiside-305 Süret, bu féstiwalni uyushturghan enqere etimesqut rayonluq hökümet bashliqi enwer demirél ependi we uyghurlar wekili efendigil ependi sabiq muawin bash ministir dewlet baghchélige ürümchi weqesini ekis ettürgen resimlerni körsitip turup "sherqiy türkistanliqlarning hazirqi ehwali" din melumat bériwatqan körünüsh.
RFA Photo / Erkin Tarim

26 - Séntebir küni axsham türkiyining dangliq naxshichisi sibel jan konsért berdi. Konsért bashlinishtin burun milletchi heriket partiyisi bashliqi, sabiq mu'awin bash ministir dölet bahchéli sherqiy türkistan öyi namidiki körgezme bölümini ziyaret qildi.

Bu féstiwalni uyushturghan enqere etimesqut rayonluq hökümet bashliqi enwer demirél ependi sabiq mu'awin bash ministir dewlet baghchélige ürümchi weqesini ekis ettürgen resimlerni körsitip turup "mana bu sherqiy türkistanliqlarning hazirqi ehwali" dédi. Uning bilen bille sherqiy türkistan bölümige kirgenler ichide milletchi heriket partiyisining aliy rehberliri we bashqa partiyilerning wekillirimu bar idi.

Dangliq naxshichi sibel jan sehnige chiqishtin burun türkiyidiki tonulghan modéller osmanli impériyisi mezgilidiki kiyim - kécheklerni körsetti. Bu qatarda herqaysi türkiy milletlerningmu kiyimliri tonushturuldi.
Turkiey-binakarliq-ministiri-mustafa-demir- sherqiy turkistan körgezmiside-305
Süret, efendigil ependi türkiye binakarliq ministiri mustafa demir ependige ürümchi weqesini we uyghurlarning seniti, medeniyitini tonushturup melumat bériwatqan körünüsh.
RFA Photo / Erkin Tarim

Fatih shentürk ependi bilen bilgexan göktürk xanim 10 ming tamashibin kelgen meydanda sehnige chiqip Uyghur kiyimlirini körsetti we sehnide sherqiy türkistanning ay yultuzluq kök bayriqini lepildetti. Bu kishilerning qattiq alqishigha érishti.
    
Enqerening etimesqut rayonida ötküzülgen 7 - nöwetlik xelq'araliq anatoliye medeniyet we sen'et féstiwalidiki bölümler ichide Uyghur bölümi eng bay mezmun'gha ige bolup, bölümde Uyghurlarning sen'iti, medeniyiti we bügünki weziyiti tonutuldi.

Bu 10 kün jeryanida texminen 20 ming etrapida kishining Uyghur körgezme bölümini ziyaret qilghanliqi perez qilinmaqta.

Ziyaret qilghan kishiler arisida türkiyining binakarliq ministiri mustafa demir qatarliq köp sanda parlamént ezaliri, ezerbayjan, qirghizistan, türkmenistan qatarliq döletlerning enqerede turushluq bash elchiliri, tonulghan sen'etchiler we amma ékskursiye qildi.

Féstiwalning eng axirqi küni türkiyining tonulghan naxshichisi sibel jan konsért bergen bolghachqa féstiwal meydani adem déngizigha aylandi. Bu konsértqa 10 minggha yéqin kishi qatnashqan bolghachqa sherqiy türkistan öyini ékskursiye qilghanlarning sanimu intayin köp idi. Biz neq meydanda bu heqte melumat igiliduq.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet