Uyghur qizi türkiyidiki “Show - tw”de xitayche naxsha oqudi

Türkiyining eng chong téléwiziye qanalliridin biri bolghan “Show - tw”de “Türkiyidiki qabiliyetlik kishi siz” namliq maharet körsitish musabiqisi ötküzülmekte. Bu musabiqige onminglarche qabiliyetlik yash - ösmürlerning arisidin tallan'ghan kishiler qatnashmaqta.
Ixtiyari muxbirimiz erkin tarim
2011.11.23
Share on WhatsApp
Share on WhatsApp
qedirye-hashim-naxshichi-305 Qediriye hashimning tiliwézurdiki süriti
RFA

Ular téléwiziyide naxsha oqush, séhirgerlik, gimnastika we ussul oynashqa oxshash sahelerda maharetlirini körsetmekte. Maharet körsetken yüzlerche kishi arisidin derijige érishkenlerge mukapat bérilidu. Dangliq kino ertisi we naxshichi hülya awshar, dangliq téléwiziye programmisi ishligüchi ajun ilijali we dangliq putbolchi sergen yalchin qatarliq kishiler bahalash hey'itining ezasi bolghan. Bu musabiqige 11 - ayning 19 - küni kechte özini istanbulda oquwatqan oqughuchi dep tonushturghan qediriye hashim isimlik Uyghur qizimu qatnashti.

Türkiyide eng köp kishi köridighan “Show - tw” téléwiziyiside neq meydandin tarqitilghan bu musabiqige qolida xitayning chigh qalpiqini kötürüp chiqqan qediriye hashim, qalpaqni program riyasetchisige sowghat qildi. Qediriye hashim sehnige “Merhaba merhaba türkiye” dep chiqti. Özining Uyghur ikenlikini éytqanda zaldiki tamashibinlar chawak chélip qattiq alqishlidi. Lékin, kéyin xitayche naxsha oqughanliqi üchün dangliq kino ertisi hülya awshar “Biz chüshenmigen tilda naxsha éytqanlarni tallimaymiz” dep, ret qildi. Qediriye hashimmu buningdin qattiq köngli yérim bolghanliqini éytip sehnidin chüshüp ketti. Qediriye hashimning türkiyidiki “Show - tw” téléwiziyiside xitayche naxsha oqushi dunyaning herqaysi jayliridiki Uyghurlarning hetta türk we ezerilerningmu qattiq naraziliqigha uchridi, 4 kündin buyan torbetliride naraziliq pikirliri yézilmaqta. Bir Uyghur qizi néme üchün maharet körsitish musabiqisida ana tilida emes xitay tilida naxsha oquydu? qediriye hashimning türkiyidiki téléwiziyide xitayche naxsha oqushigha néme üchün Uyghurlar bunchiliwala naraziliq körsitidu?

Dégen'ge oxshash su'allargha jawab tépish üchün jemiyetshunas, muzikant we bezi Uyghurlar bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.