D u q mu'awin re'isi qehriman ghojamberdi: Uyghurlar qurultaydin birlik we ittipaqliqni kütidu

Bolupmu, Uyghur élide yüz bergen 2009-yil ürümchi iyul paji'esi hem Uyghur diyarining bashqimu rayonlirida orun alghan qanliq waqeler we naraziliqlar, ammiwi teqibleshler, xitay köchmenlirining téximu téz sür'ette elge éqip kirishi, qedimiy medeniyet yadikarliqlirining chéqilishi, atalmish “Qosh tilliq ma'arip” siyasiti we bashqilar, shundaqla keng qanat yayghan Uyghur milliy herikiti, xelq'ara teshkilatlarda Uyghur teqdirining kün tertipige qoyulushi, dunyaning her qaysi jayliridiki Uyghurlarning her jehettiki hésdashliq heriketliri Uyghur mesilisining heqiqetenmu jiddiy ikenlikini yarqin halda ispatlidi.

Uyghurlarning milliy dawasi, shu jümlidin musteqilliq idiyisi, kishilik hoquqliri, ötmüsh tarixi hem qedimiy medeniyiti, ma'aripi hem edebiyati mesililiri zor qiziqish hasil qilmaqta. Buningdin üch yil ilgiri amérika paytexti washin'gtonda ötküzülgen dunya Uyghur qurultiyining 3-nöwetlik qurultiyidin buyanqi waqit ichide Uyghurlar hayatida hem Uyghur milliy herikitide qandaq waqeler hem özgirishler yüz berdi, Uyghurlarning xelq'ara meydandiki orni qanchilik, bügünki künde Uyghurlar némini xalaydu hem némige intilidu dégen'ge oxshash so'allar etrapida biz dunya Uyghur qurultiyining mu'awin re'isi qehriman ghojamberdi bilen söhbet élip barduq.