Uyghur tamaqliri qeyseri shehiride ötküzülgen tamaq bayrimigha qatnashturuldi

Yémek - ichmek bir milletning medeniyitini belgileydighan eng muhim amillarning biridur. Uyghur tamaqliri qedimiy tarixqa ige. Burun Uyghur tamaqliri peqet xitay we ottura asiya türkiy jumhuriyetliridila yaxshi tonulghan bolsa, hazir Uyghur ammiwi teshkilatlirining tirishchanliqi bilen pütün dunyada tonulushqa bashlidi.
Muxbirimiz erkin tarim
2010.05.19
Turkiyide-tamaq-bayrimi-Uyghur-tamiqi-Qeyseride-305.jpg Süret, 2010 - yili 5 - ayning 21 - künigiche dawamlishidighan, türkiyining qeyseri shehiridiki erjiyes uniwérsitétida ötküzülüwatqan tamaq bayrimida, uyghurlargha wakaliten sherqiy türkistan medeniyet we hemkarliq jemiyiti ayallar komitétining bashliqi rabiye ilktürk xanim we muawin bashliqi xeyrigül xanimlar bashchiliqidiki uyghur tamaqlirini tonushturush "réstorani"din bir körünüsh.
RFA Photo / Erkin Tarim

Uyghur tamaqliri üch kündin buyan türkiyining qeyseri shehiridiki erjiyes uniwérsitétida ötküzülüwatqan tamaq bayrimida körsitilmekte. Mezkur tamaq bayrimigha türkiyining 81 wilayitidin kelgen kishiler qatnishiwatqan bolup, Uyghurlargha wakaliten qeyseride pa'aliyet élip bériwatqan sherqiy türkistan medeniyet we hemkarliq jem'iyiti ayallar komitétining bashliqi rabiye ilktürk xanim we mu'awin bashliqi xeyrigül xanimlar qatnashti.

5 - Ayning 21 - künigiche dawam qilidighan bu tamaq bayrimigha 31 ming etrapida kishining qatnishidighanliqi perez qilinmaqta. Uyghurlar bu pursettin paydilinip, Uyghur tamaqlirini tonushturmaqta. Ular, 3 kündin béri Uyghurlarning polu, manta, hornan, leghmen, qoruma chöp we kawap qatarliq yémeklirini satmaqta. Ular yene, bulardin bashqa resim körgezmisi échip, 5 - iyul ürümchi weqesini chüshendürmekte .
Turkiyide-tamaq-bayrimi-Uyghur-tamiqi-Qeyseride-1-305.jpg
Süret, sherqiy türkistan medeniyet we hemkarliq jemiyiti ayallar komitétining bashliqi rabiye ilktürk xanim we muawin bashliqi xeyrigül xanimlar bashchiliqidiki uyghur tamaqlirini tonushturush "réstorani"din bir körünüsh.
RFA Photo / Erkin Tarim

Erjiyes uniwérsitétida ötküzülüwatqan Uyghur tamaqlirini tonushturuwatqan Uyghur ayalliri, sherqiy türkistan medeniyet we hemkarliq jem'iyiti mes'ulliridin ablikim ependi hem Uyghur tamiqi yewatqan xéridarlar mezkur pa'aliyet we Uyghur tamaqliri heqqide toxtaldi.

Tamaqqa éghiz tekken xéridarlarning hemmisi birdek halda Uyghur tamaqlirining bekla temlik ikenlikini bildürüshti.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.