Shinjang ijtima'iy penler akadémiyisi tarix institutining alahide xizmet körsetken organ bolghanliqi heqqide Uyghur tarixshunaslirining bahasi (2)


2007-11-06
Share

'Shinjang xewer tori'da 11 ‏- ayning 2 ‏- küni bayan qilinishiche, xitay kommunist partiyisining Uyghur aptonom rayonluq partkom teshwiqat bölüm bashliqi li yi shinjang ijtima'iy penler akadémiyisining tarix inistitutini' ellik yildin buyan markisizmliq dölet, tarix, millet, din, medeniyet tiklesh we 'üch xil küch'lerge zerbe bérish arqiliq shinjangning tarixtin buyan junggoning ayrilmas zémini ikenlikini we shinjang ezeldin köp millet échip -tereqqi qildurghan jay ikenlikini dunyagha chüshendürüp alahide xizmet körsetti' dep medhiyilen'gen. Bu medhiye tarixshunaslar ichide oxshimighan köz qarash peyda qildi.

Sherqiy türkistan tarixini burmilighanliq 'alahide xizmet körsetkenlik' emes, belki siyasiy yalghanchiliq

Türkiyining hajettepe uniwérsitéti tarix pakoltétidiki doktor erkin ekremning qarishiche, xitayda ilmiy tarixni siyaset üchün xizmet qilduridighan ehwal mewjut. Shunglashqa xitaydiki tarix tetqiqatchilirining tetqiqatliri xelq'arada taza étibargha élinmaydu.

Eger sherqiy türkistan tarixini burmilighanliq 50 yildin buyan alahide xizmet körsetkenlik, dep mubalighe qilinsa, bu siyasiy yalghanchiliq bolup qalidu.

Markisizm neziriyilirining özimu sherqiy türkistanning xitay zémini ikenlikini ispatlimayti

Doktor erkin ekrem shinjang ijtima'iy penler akadémiyisi tarix institutining ' ellik yildin buyan markiszmliq dölet, tarix, millet, din, medeniyet tiklesh we 'üch xil küch'lerge zerbe bérish arqiliq, dunyagha shinjangning tarixtin buyan junggoning ayrilmas zémini ikenlikini chüshendürüp, alahide xizmet körsetken organ bolghanliqi' heqqidimu mulahize yürgüzdi.

Uning qarishiche, markiszmliq tarix, millet, din neziriyiliri héchqandaq sherqiy türkistanning xitayning zémini ikenlikini chüshendürmeytti, emma xitay tarixchiliri marksizmning sinipiy köresh neziriyisi bilen sherqiy türkistandiki milliy ziddiyetlerni burmilap körsitiwatidu.

Dunya qobul qilmighan markisizm neziriyisi buyiche chong milletchilik qilish zaman'gha maslashmighanliq

Doktor erkin ekremning qarishiche, markisizm neziriyisining eng axirqi nishani barliq millet we dinlarni yoqitish, din'gha ishen'gen milletler qurghan döletlerni tarixtin öchürüsh idi. Dunyada héchkim bundaq nishanni qobul qilmidi. Shunglashqa kommunizm neziriyisi dunyada keng yéyilmidi.

Dunyada, hazirqidek, démokratiye we kishilik hoquqqa ehmiyet bériliwatqan waqitta, diktatorluq idé'ologiyisi we tarixtiki chong milletchilikke tayinip, bashqa milletning zéminini özining zémini dep jakarlash ‏-‏ zaman'gha mas kelmigen birxil ipade. Xitay tetqiqatchilirining 'üch xil küch' dégenlirimu ularning ilmiy tetqiqat bilen alaqisi yoqluqini körsitidu. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet