Uyghurlar üchün mehmut qeshqiri purset boldi

Yildiz gézitidin bir körünüsh.

 Bulardin biri türkiyining ottura rayonigha jaylashqan chorum wilayitidiki hitit uniwérsitétida ötküzüldi. Tughulghanliqining 1000 yilliqi munasiwiti bilen mehmut qeshqiri mawzuluq bu ilmiy muhakime yighinini hitit uniwérsitéti , chorum sheherlik hökümiti we bayqara zhurnili ortaqliship oyushturghan. 2008 - Yili 28 - april küni ötküzülgen bu yighinda türkiyining her qaysi uniwérsitétliridin kelgen türkologlar mehmut qeshqirining hayati, esirining ehmiyiti we mehmut qeshqirining turkologiyidiki yéri dégen'ge oxshash ilmiy maqalilirini oqup ötken.

Bu ilmiy muhakime yighinida Uyghur proféssor doktor alimjan inayetning mehmut qeshqiri we bügünki Uyghurlarning weziyiti heqqide qilghan sözi yighin ehlining we zhornalistlarning qattiq diqqet ‏ - étibarini qozghighan. Bu heqtiki xewer chorumdiki 10din artuq gézitte alimjan inayetning resimi bilen birinchi bette bérilgen.

Bu xewerge yildiz géziti `qeshqerliq proféssor doktor inayetning sherqiy türkistan peryadi` témisida, merhaba gézitide bolsa `mehmut qeshqiri tughulghanliqining 1000 yilliqi xatirilendi` témisida, dost xewer gézitide `tughulghanliqining 1000 - yilliqi munasiwiti bilen mehmut qeshqiri eslep ötüldi` témisida, chorum xewer gézitide bolsa `sherqiy türkistan'gha ige chiqayli` témisida yer bérilgen.

Gézitlirining hemmiside dégüdek, izmir ege uniwérsitéti oqutquchisi proféssor doktor alimjan inayetning bu yighinda qilghan sözlirige yer bérilgen. Alimjan inayet sözide, sherqiy türkistanning türk dunyasining ayrilmas bir parchisi ikenlikini, türk dunyasi üchün bubuk alimlarni terbiyilep yétishtürgen bu zémin 1949 - yili xitaylar teripidin bésiwélin'ghandin béri , xitaylarning Uyghur medeniyitini yoq qiliwétish siyasiti élip bériwatqanliqini tekitligen.

Biz ilmiy muhakime yighini heqqide tepsiliy melumat élish üchün proféssor doktor alimjan inayet ependi bilen téléfon ziyariti élip barduq.