Уйғурлар йүрәк сөзлирини кимгә дәватиду ?

Сүрәт, 10 - ийул, җүмә күни, мәдинә исимлик 26 йашлик уйғур содигәр айал, җүмәдин йанған җамаәтни башлап намйиш қиливатқан көрүнүш.

Бу уйғурларниң һәқиқий йүрәк сөзлириму? уйғурлар радио - телевизорларда өзлүкидин мушундақ сөзләватамду ? хитайниң ахбарат васитилиридики бу уйғурларниң сөзлири кишиләрни ойға салмақта. Биз чәтәл мухбирлириниң камераси алдидики уйғурларниң йүрәк садалириға қулақ селип бақайли.

7 - Июл күни чәтәл мухбирлири үрүмчигә киргәндин кейин чәтәл мухбирлириға өз йүрәк сөзлирини баян қилиш имканийитигә игә болған бир қисим уйғурлар һөкүмәтниң уйғурлар үстидин йүргүзүватқан сияситигә нисбәтән наразилиқини мундақ баян қилди.

Һөкүмәтниң уйғурларни кәң көләмлик тутқун қиливатқанлиқиға болған наразилиқини ипадилигән бир уйғур аял сақчиларниң пуқраларниң өйлиригә бастуруп кирип гунаһсиз уйғурларни тутқун қиливатқанлиқини баян қилди.

Һөкүмәтниң телевизор екранлирида яриланған хитай пуқралирини көрситип, хитай пуқралириниң калтики астида өлгән яриланған уйғурлар һәққидә һечқандақ мәлумат бәрмигәнликигә нарази болған бир уйғур бовай һөкүмәтниң бу хил бир тәрәплимә хәвиригә болған наразилиқини ипадилиди.

Дохтурханида, әнгилийә б б с радийоси мухбириниң зияритини қобул қилған бир уйғур аял ериниң ишқа кетиватқинида хитай пуқралири тәрипидин уруп яриландурулуп пут, қоллири чеқиветилгәнликини баян қилди.

Һөкүмәтниң хитай пуқралириниң уйғурларниң муқәддәс җайи болған мәсчитләрни бузуп чеқишиға сүкүт қилишиға нарази болған бир уйғур аял өз наразилиқини ипадиләп, бундақ кетивәрсә техиму яман ақивәтләрниң келип чиқиши мумкинликини тәкитлиди.

Җүмә намизидин кейин чәтәл мухбирлириниң зияритини қобул қилған уйғур яшлири, һөкүмәтниң уйғурлар үстидин йүргүзүватқан қаттиқ қол сиясити астида уйғурларниң барлиқ әркинликиниң боғулуватқанлиқи үстидин шикайәт қилди.

Үрүмчи кочилирида чәтәл мухбирлириниң зияритини қобул қилишни рәт қилған бир қисим уйғурлар сөзлиридә өз әндишилирини ипадилигән. Бир уйғур яш енгилиз тилида өзлириниң әндишисини мундақ ипадилиди :"кәчүрүң, сизниң зияритиңизни қобул қилалмаймән, һазир биз еһтият вә қорқунч ичидә яшаватимиз, болуватқан ишларға нисбәтән нарази болсақму, әмма дейәлмәймиз ..."

Гәрчә хитай һөкүмити, һазир интернет вә телефон алақисини қамал қилип, вәтән ичидики уйғурлар билән чәтәлләрниң алақисини үзүп ташлап, учурни қамал қиливатқан; радио - теливизорларда уйғурларни" 5 - июл үрүмчи вәқәси"һәққидә ипадә билдүрүшкә қистап, һәқиқий әһвални дунядин йошурушқа урунуватқан болсиму, лекин уйғурлар йәнила чәклик имканийәтләрдин пайдилинип өз авазлирини дуняға аңлатмақта.