Түркийидики қазақистан әлчиханиси түрк вә уйғурларни тәқдирлиди

1-Декабир күни түркийиниң нәвшәһир вилайитидә өткүзүлгән қазақистан җумһурийити қурулғанлиқиниң 21-йиллиқини тәбрикләш мурасимида, дуня уйғур қурултийи муавин рәиси сийит түмтүрк әпәнди шәрқий түркистан күлтүр вә һәмкарлиқ тәшкилатиға вакалитән қазақистан җумһурийитиниң мукапатини тапшуруп алди.
Ихтиярий мухбиримиз әркин тарим
2012.12.05
janseyit-tuymabayew-seyit-tumturk-soghat-305.jpg Д у қ муавин рәиси сейит түмтүрк әпәнди шәрқий түркистан күлтүр вә һәмкарлиқ тәшкилатиға вакалитән, қазақистан җумһурийитиниң уйғурларға бәргән мукапатини тапшуруп алди. 2012-Йили 1-декабир, түркийә.
RFA/Erkin Tarim

Түркийә, 1991-йили оттура асия түрк җумһурийәтлири мустәқил болғанда уларни етирап қилған тунҗи дөләт болуш сүпити билән һәр йили бу җумһурийәтләрниң қурулуш күнлирини дағдуғилиқ өткүзүп кәлмәктә. Бу йил 12-декабир күни түркийиниң оттура қисмиға җайлашқан нәвшәһир вилайитидә қазақистан җумһурийитиниң қурулуш хатирә күни тәнтәнә билән тәбрикләнди. Бу паалийәтни нәвшәһир валийлиқи, қазақистанниң нәвшәһирдә турушлуқ пәхрий консулханиси вә қазақистан баш әлчиханиси бирлишип уюштурған. Бу паалийәт қазақистан мустәқиллиқиниң 21 йиллиқ тарихини тонуштурған рәсим көргәзмиси, қазақистан-түркийә мунасивити һәққидики пикир алмаштуруш йиғини һәм қазақистан-түркийә мунасивитигә төһпә қошқанларни мукапатлаш мурасими қатарлиқларни өз ичигә алған.

Қазақистан җумһурийити қурулғанлиқиниң 21-йилини тәбрикләш мурасимида, қазақистанниң түркийидә турушлуқ баш әлчиси җансейит түймәбайеф нутуқ сөзлиди. 2012-Йили 1-декабир, түркийә.
Қазақистан җумһурийити қурулғанлиқиниң 21-йилини тәбрикләш мурасимида, қазақистанниң түркийидә турушлуқ баш әлчиси җансейит түймәбайеф нутуқ сөзлиди. 2012-Йили 1-декабир, түркийә.
RFA/Erkin Tarim

Бу паалийәткә қазақистанниң нәвшәһирдики пәхрий консули доктор халил улуәрниң дәвитигә бинаән дуня уйғур қурултийи муавин рәиси, шәрқий түркистан күлтүр вә һәмкарлиқ җәмийити рәиси сейит түмтүрк қатнашти вә барлиқ уйғурларға вакалитән қазақистан җумһурийитиниң мукапатини тапшуруп алди. Паалийәткә йәнә нәвшәһир вилайитиниң валийси, шәһәр башлиқи, нәвшәһир университетиниң мудир һәм оқутқучи-оқуғучилири қатнашти. Паалийәт давамида қазақистанниң түркийә баш әлчиси җансейит түймәбайеф қазақистан-түркийә мунасивитигә төһпә қошқан валий абдурраһман саваш, парламент әзаси аһмәт әрдал фәралан, мурат гөктүрк, әбубәкир гизлигидәр, нәвшәһир шәһәр башлиқи һәсән үнвәр, қазақистанниң нәвшәһирдики пәхрий консули халил улуәр вә дуня уйғур қурултийи муавин рәиси сейит түмтүркләргә хатирә тахтиси тәқдим қилди вә рәһмитини билдүрди.

Д у қ муавин рәиси сейит түмтүрк қазақистанниң түркийидә турушлуқ баш әлчиси җансейит түймәбайефниң зияпидә. 2012-Йили 1-декабир, түркийә.
Д у қ муавин рәиси сейит түмтүрк қазақистанниң түркийидә турушлуқ баш әлчиси җансейит түймәбайефниң зияпидә. 2012-Йили 1-декабир, түркийә.
RFA/Erkin Tarim

Невшәһир шәһәрлик һөкүмәтниң тор бекитидики хәвәргә асасланғанда мукапатлаш мурасимида қазақистан баш әлчиси җансейит түймәбайеф сөз қилип, узун йиллардин буян ата юрттики қериндашлар билән ана юрттики қериндашларниң оттурисиға бәзи ташқи күчләр тосалғу қурған болсиму, 21 йил бурун бу тосалғуниң елип ташланғанлиқини, қериндашларниң бир-бири билән қучақлашқанлиқини ейтқан.

Баш әлчи түймәбайеф қазақ-түрк қериндашлиқи һәққидә мунуларни дегән:
“биз қериндаш. Дуняниң әң гүзәл йеригә җайлашқан түркийә, явропада ялғуз әмәс. Бурун бирләшкән дөләтләр тәшкилатида бир авазға игә болған түркийиниң арқисида бүгүнки күндә алтә дөләт бар. Бүгүнки күндә қазақистанниң қаналлирида түрк филимлири қоюлмақта. Қиз-аяллиримиз түрк сәнәтчилирини бәкму яхши көриду. Йәр асти вә йәр үсти байлиқлиримизни сиз қериндашлиримиз билән ортақ пайдилиништин пәхирлинимиз. Бундин кейинму давамлиқ һалда җәм болуп, мунасивитимизни техиму йеқинлаштуруш нийитидәмиз.”

Биз бу паалийәт һәққидә техиму тәпсилий мәлумат игиләш үчүн қазақистан җумһурийити тәрипидин мукапатланған сийит түмтүрк әпәнди билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.