Yéngi chégragha meblegh séliwatqan eng chong bay wang jénning pushti

Yéngi chégrada néfit we kömür gazi üchün meblegh séliwatqan eng chong bay, 'xitay tebi'iy gaz shirkiti' dégen shirketning xojayini kimlikini bilemsiz? xongkongda chiqidighan 'échiwétish' zhurnilida bayan qilinishiche, bu eng chong bay wang jénning oghli wang jün.
Muxbirimiz weli
2010-06-28
Élxet
Pikir
Share
Print
Sürette, yéngi chégragha meblegh séliwatqan eng chong bay wang jun, sherqiy türkistanni ishghal qilghan wang jénning oghli.
Sürette, yéngi chégragha meblegh séliwatqan eng chong bay wang jun, sherqiy türkistanni ishghal qilghan wang jénning oghli.
Photo: RFA

Xongkongda chiqidighan 'échiwétish' zhurnilida bayan qilinishiche, en'gliyide özini bash bughaltér dep tizimgha aldurghan rupért xugwérf, 1999‏ - yili béyjingdiki 'xitay xelq uniwérsitéti'da xitayche öginiwatqandila 'baylar taxtisi' qurup, xitayda peyda boluwatqan eng chong baylarning ehwalini tetqiq qilishqa bashlighan. Uning élan qilishiche, hazir xitayda on milyon yüenlik baylarning sani 870 ming, buning ichide yür milyonluq baylar 55 ming, bir milyardliq baylar 1900, yüz milyardliq baylar 140.

Xitay hökümiti bularning hemmisini xelq ichidiki xususiy karxanichilar dep ataydu. Rupért xugwérfning körsitishiche, bu chong baylarning ichidiki eng chong baylar 80 ‏ - yillardiki eng chong hoquqdar déng shawping, eng chong kommunist kapitalist rung yirin, eng burun sherqiy türkistanni ishghal qilghan kommunist qisim komandiri wang jénlarning pushti.

'Xitay tebi'iy gaz shirkiti' ning xojayini wang jün

'Échiwétish' zhurnilida bayan qilinishiche, 1980‏ - yillarda, héchkim téxi 'xiyanetchi emeldar' dep atimighan eng hoquqdar déng shawping, xitayda sirtqa qaritilghan bir chong iqtisadiy sistéma qurup chiqish üchün, qizil kapitalist rung yirén xongkongda qurghan 'xelq'ara inawetlik qerz we meblegh shirkiti'din paydilan'ghan. Bu shirket 1995‏ - yili, eng burun sherqiy türkistanni ishghal qilghan wang jénning pushti wang jünning qoligha ötken.

Wang jün 2006‏ - yili bu shirketni, xitay merkizi tekshürüsh idarisining bashliqi kung yu'enning pushti kungden'ge ötküzüp bérip, özi 'xitay tebi'iy gaz shirkiti' dégen shirketni qurup, dadisi eng burun ishghal qilghan zéminni mustehkemleshke bashlighan. U, bu rayondiki néfit gazi üchün salghan mebleghlirini tedriji halda kömür gazi we kömür éléktir quwwiti sahesige kéngeytken. Bu kéngeymichilikini zamaniwi yéngi uqum bilen pedezlesh üchün, ürümchide 'shinjang xelq'ara körgezme ' sélishqa bashlighan. Xitay hökümitining éytishiche, wang jün hazir dadisi wang jén eng burun ishghal qilghan zémin'ge séliwatqan mebleghlerning hemmisi uning shexsiy puli.

Wang jün bilen teywenlik péng richéngning ürümchidiki öy - zémin shirkiti

Amérikida chiqidighan wolt stérit zhurnili 2010‏ - yili 4 - ayda, 'xitay tebi'iy gaz shirkiti' ning xojayini wang jün bilen 'xitay inawetlik qerz we meblegh shirkiti'ning xojayini teywenlik péng richéng birliship qurghan 'bawshéng shirkiti' dégen bir shirket, Uyghur aptonom rayonida öy - zémin tijariti bilen shughullinishta bir - biridin ünümlük paydiliniwatidu, dep bayan qilghan idi.

Toqsundiki üch chong ochuq kömür kanning 80% pay chékini wang jün sétiwalghan

Gérmaniyide chiqidighan 'eynek' heptilik géziti 2010‏ - yil 5‏ - ayning 9‏ - künidiki sanida, 'sherqiy türkistanni 1949‏ - yili ishghal qilghan wang jénning pushti wang jün, ürümchidiki tijaret bankisigha qoshqan paydin 2005‏ - yilidila 165 milyon yüen payda qazandi؛ 2007‏ - yili 6‏ - ayning 9‏ - küni, ürümchi shehirining mu'awin sékrétari neyim yasin'gha, buningdin kéyinki üch yil ichide tebi'iy gaz üchün nahayiti köp meblegh salidighan pilanini tonushturdi؛ 2006‏ - yili 9‏ - ayda, toqsundiki üch chong ochuq kömür kanning 80% pay chékini sétiwélip, kömür gazi üchün meblegh sélishqa bashlidi؛ 2008‏ - yiligha kelgende yene, kömür gazi we kömür éléktir quwwiti üchün 3 milyard yüen köpeytip meblegh saldi؛ u emdi salidighan meblegh sanini5 milyard yüen'ge yetküzmekchi " dep bayan qilghan idi.

Ürümchidiki 'shinjang xelq'ara körgezme' dégen chong qurulushni wang jün salghuzuwatidu

Xitayning 'shinjang xewer tori', wang léchüen 2010 ‏- yili 3 ‏- ayning 29 ‏- küni ürümchide 'shinjang xelq'ara körgezme' dégen qurulushqa linta kesti, her xil chong yighin yaki chong tebrik - murasim ötküzüsh, mehsulatlarni körgezme qilish, chet'eller bilen soda -tijaret kélishimi imzalash qatarliq meqsetler üchün qollinilidighan 110 ming kwadrat métirliq bu chong qurulush bu yil axirida pütidu, dep xewer qilghan idi. Ürümchidiki 'shinjang xelq'ara körgezme' dégen bu chong qurulushni wang jün salghuzuwatidu.

Jang chünshen atalghu özgertiwatidu

Xitayning 'shinjang géziti'ning bayan qilishiche, xitay merkizi komitéti bu yil 4 ‏- ayda Uyghur aptonom rayonigha belgiligen yéngi emeldar jang chünshen 2010‏ - yili 6 ‏- ayning 23 - küni, 'iqtidarliq ademlerni toplash üchün bir nechche qétim muntizim urush qilish' dégen yéngi sho'arni otturigha qoyghan.

Jang chünshen buningdin burun, yillardin buyan aqmighan siyasetlerning namini özgertip 'xelqni bay qilish', 'chong sekrep ilgirilep tereqqi qildurush', 'menggü emin qilish' dégen atalghularni kötürüp chiqqan idi. Bu, uning eng yéngi atalghusi bolup hésablinidu.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet