Вашингтондики уйғурлар ақсарай алдида намайиш қилди

5 ‏- Июл үрүмчи вәқәсидин кейин, хитай һөкүмити билән муһаҗирәттики уйғур тәшкилатлири арисида тәшвиқат күриши кәскинләшмәктә.
Мухбиримиз шоһрәт һошур
2009-07-28
Share
DC-Aq-Oy-namayish-072809-1-305.jpg Сүрәт, 2009 - йили 28 - ийул, америка уйғур бирләшмиси ақсарай алдида, обама һөкүмитини уйғур мәсилисигә арилишишқа вә хитайниң сахта тәшвиқатиға ишәнмәсликкә чақирип елип барған намайииштин бир көрүнүш болуп, бу қетимқи намайиш вашингтонда америка ‏ - хитай диалоги вәкиллириниң сөһбити өткүзүлүватқан бир мәзгилгә тоғра кәлди.
RFA Photo / Shohret Hoshur

Хитай даирилири вәқәниң бир топилаң икәнликини испатлашқа вә вәқәгә қатнашқучиларни қаттиқ җазалашниң хәлқара җамаәт пикрини һазирлашқа тиришса, уйғур тәшкилатлири мәзкур вәқәниң хитайдики 60 йиллиқ миллий сиясәтниң паҗиәси икәнликини, вәқәгә қатнашқучиларниң гунаһсиз икәнликини испатлашқа тиришмақта.

Бүгүн америка уйғур бирләшмиси ақсарай алдида намайиш өткүзүп, ақсарайни уйғур мәсилисигә арилишишқа вә хитайниң сахта тәшвиқатиға ишәнмәсликкә чақирди. Бу қетимқи намайиш вашингтонда америка ‏ - хитай диалоги вәкиллириниң сөһбити өткүзүлүватқан бир мәзгилгә тоғра кәлди .

Дуня уйғур қурултийиниң муавин рәиси өмәр қанат йиғинда сөз қилип, уйғурлар давасиниң һәқиқәт даваси икәнликини, уйғур давасиниң ахирида утуп чиқишиниң пәқәтла бир вақит мәсилиси икәнликиини әскәртип өтти.

Бүгүнки намайишқа, вашингтон вә вашингтон әтрапида яшаватқан уйғурлар болуп 100 гә йеқин киши қатнашти.

Бүгүнки намайишқа қатнашқан уйғур зиялийлиридин аблимит тиләк әпәнди, үрүмчи вәқәсиниң характери үстидә тохтилип өтти. Намайишта йәнә, 1985 - йилдики 12 - дикабир оқуғучилар намайишиниң йетәкчилиридин нурмәмәт мусабай әпәндиму бар болуп, у бу қетимқи вәқәниң өткән қетимқи вәқәләрдин пәрқи һәққидә тохталди. Шундақла, вашингтонда яшаватқан адвокат нури түркәл әпәнди, 5 ‏ - июл үрүмчи вәқәсидики тәшвиқат күришидә хитай тәрәпниң аҗиз һаләттә икәнликини билдүрүп өтти.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт