Вен җябавниң хитай яшлирини зо зуңтаңдин өгинишкә чақирғанлиқи немидин дерәк бериду?

Хитайниң баш министири вен җябав йеқиндин буян алий мәктәпләргә берип, хитай оқуғучилирини уйғур юртлириға көпләп беришқа сәпәрвәр қиливатиду.
Мухбиримиз вәли
2009-06-26
Елхәт
Пикир
Share
Принт
Меркел ханим бейҗиңни зийарәт қилғанда вин җйабав билән биргә.
Меркел ханим бейҗиңни зийарәт қилғанда вин җйабав билән биргә.
AFP Photo

'Тәңритағ тор бети'ниң баян қилишичә, вен җябав 5 ‏ - айниң 3 ‏ - күни, 6 ‏ - айниң 5 ‏ - күни вә 6‏ - айниң 13 ‏ - күни бейҗиңдики чңхуа университети, шиәндики қатнаш университети вә хунән университетиға берип, оқуғучиларға 'шинҗаң яхши җай, уни қурушқа зор түркүм яшлар керәк' дегән вә уларни зо зуңтаңдин өгинишкә чақирған.

Һазир германийидә туруватқан язғучи көрәш атаханниң мулаһизә қилишичә, вен җябавниң бу сөзлири уйғур хәлқниң җуш уруп әвҗ еливатқан миллий һәрикитигә тақабил туруш үчүн ейтилған.

Язғучи көрәш атаханниң қаришичә, хитайлар тарихтин буян ғәрбкә кеңийиш хам хиялидин ваз кәчкән әмәс, һазир уйғурларниң миллий ирадисигә тосқунлуқ қилиш үчүн йәнә шу хам хиялини оттуриға қоюватиду.

Язғучи көрәш атаханниң қаришичә, вен җябав һазир хитай яшлирини инсанпәрвәрликкә, тинчлиққа әмәс, бәлки зораванлиққа, кеңәймичиликкә башлаватиду.

Язғучи көрәш атаханниң қаришичә, вен җябавниң хитай яшлирини җаллат зо зуңтаңни үлгә қилишқа чақирғанлиқи, хитайниң 60 йилдин буян давамлаштуруватқан 'лей феңдәк хәлқниң чакири болуш' дегән сиясити берақла ' зо зуңтаңдәк җаһангирлик йолиға меңиш' қа өзгәргәнликидин дерәк бериду.

Бу, буниңдин кейин хитайлар билән уйғурлар вә тибәтләр оттурисида сиясий, иҗтимаи сүркүлүшләрниң келип чиқишиға сәвәбчи болиду.

Пикирләр (0)
Share
Толуқ бәт