Dr. Xemit hemrayéf rus tilida türkiy kilassik she'irliri toplimini teyyarlimaqta

Almutida yashaydighan Uyghur mutexessisi, dr. Xemit hemrayéf merhum tarixshunas turghun almasning "Uyghurlar" namliq kitabini Uyghurchidin, fransuz tarixchisi réné grusining " yaylaq impériyisi" namliq kitabini fransuzchidin rus tiligha terjime qilip neshir qildurush bilen shöhret qazan'ghan mutexxesistur.
Muxbirimiz ümidwar
2010.01.26
Share on WhatsApp
Share on WhatsApp

Doktor xemit hemrayéf ependi muxbirimiz ümidwarning ziyaritini qobul qilip, özining yéqinda türkiy kilassik sha'irlirining eserlirini rus tiligha terjime qilip, toplap neshir qilishqa teyyarliniwatqanliqini bildürdi. U, terjimanliq xizmitiningmu millet üchün paydiliq we ehmiyetlik emgek ikenlikini tekitlidi.

Dr. Xemit hemrayéf 80 - yillarda tashkent shehiride wapat bolghan sabiq sowét ittipaqigha tonulghan ataqliq Uyghur alimi, akadémik murat hemrayéfning inisi. U edebiyatshunasliq penliri boyiche uzun mezgil qazaqistandiki Uyghurshunasliq inistitutida tetqiqat xizmiti bilen shughullinip, köpligen eserlerni élan qilghan.

Rus, fransuz, Uyghur we özbék tillirini yaxshi bilgen hémit ependi yéqinda yene yéngi ijadiyetke kirishken bolup, u Uyghur kilassik sha'irlirini öz ichige alghan barliq meshhur türkiy kilassik sha'irlirining nadir eserlirini toplap, rus tilida bir antologiye teyyarlap neshir qilishni pilanlighan. Hemit ependi özining bu esiri we pa'aliyetliri heqqide toxtaldi.

Dr. Xemit hemrayéfning éytishiche, uning pilanliri köp. U, özining bu eserlirini öz xirajiti bilen neshir qildurup tarqatmaqta. U terjime qilghan we élan qilghan eserler ottura asiya elliridiki Uyghurlar hem bashqa millet kishilirining Uyghur xelqini téximu yaxshi chüshinishi üchün xizmet qilidighanliqigha ishinidu.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.