سياسىي كۆزەتكۈچىلەر، خىتاي دائىرىلىرىنىڭ، بالىلارنى ئاتا - ئانىلىرىدىن، تۇغۇلۇپ ئۆسكەن ئانا يۇرتىدىن ئايرىپ، خىتاي ئۆلكىلىرىدە تەسىس قىلىنغان شىنجاڭ سىنىپىدا ئوقۇتۇشىنىڭ مەقسىتى، ئۇيغۇرلارنىڭ كەلگۈسى ئەۋلادلىرىنى مىللىتى ئۇيغۇر، ئېڭى خىتاي قىلىپ يېتىشتۇرۈشتىن ئىبارەت دېگەن يەكۈننى چىقاردى.
" شىنجاڭ سىنىپى" نى تاماملىغان ئوقۇغۇچىلار ھەقىقەتەن قىياس قىلىنغىنىدەك ئاقىۋەتلەرگە دۇچ كەلدىمۇ ؟ خىتاي ئۆلكىسىدىكى " شىنجاڭ سىنىپى" نى تاماملىغان، مەلۇم بىر ئوقۇغۇچى زىيارىتىمىزنى قوبۇل قىلىپ، ئۆز كەچۈرمىشلىرىنى بايان قىلدى.