Hazirqi amérika - xitay munasiwiti we uning kelgüsi heqqide mutexessislerning munazirisi

8 - Mart amérika xitay paraxotlirining jenubiy déngizdiki toqunushida, amérika paraxotigha yéqinlashqan bir xitay paraxotidin körünüsh.

Bu muhakimide, xitay mutexessisliri bilen amérika mutexessislirining munazirisi amérika bilen xitay qandaq hemkarlishishi kérek, toqunushlarni qandaq azaytishi kérek, uqushmasliqni qandaq bir terep qilishi kérek dégen mesilige merkezleshti.

Xitay mutexessisliri her xil teswirler arqiliq 'xitay hazir küchlük' dep popoza qilishqa tirishti. Amérika mutexessisliri buninggha qarita keskin jawab bergen.

Jang chinggo: eger xitay - amérika munasiwitide hemkarliq yaxshi yolgha qoyulmisa, munasiwet keynige chékinidu

Amérika awazining bayan qilishiche, xitayning béyjing uniwérsitéti xelq'ara munasiwet inistitotining mu'awin bashliqi ja chinggo ' amérikida obama textke chiqqandin kéyin, amérika - xitay munasiwitini yaxshilash üchün aktip pozitsiyide bolup, hemkarlishishni ilgiri sürdi. Prézidént obamaning, köp dölet déngiz armiyisining chingdawda ötküzilidighan déngiz paratigha adem ewetmekchi bolghanliqi buning bir yaxshi mésali' dep gépini bashlap, hazirqi mesililerni we uni hel qilishning charisini körsetken.

Uning qarishiche, hazir xitay - amérika otturisida , déngiz armiye hemkarliqi, térrorchiliqqa zerbe bérish, déngiz qaraqchilirigha zerbe bérish, yadro qorallirining tarqilip kétishini cheklesh, insanperwerlik mesililiride hemkarliqni yolgha qoyidighan boshluq nahayiti köp. Eger xitay - amérika ottu'irsidiki bu mesililer yaxshi bir terep qilinsa, bu ikki'i döletning munasiwiti normal tereqqi qilidu, undaq bolmighanda, ikki dölet munasiwiti kishilik hoquq mesilisi, bixeterlik mesilisi we siyasiy mesililerde keynige chékinidu.

Gu golyang: amérika chuqum xitayning yadro küchining wehime körsitish iqtidarini étirap qilishi kérek

Xitay penler akadémiyisi amérika inistitotining mu'awin bashliqi gu golyang munaziride 'xitay - amérika munasiwitidiki hazirqi herbiy hemkarliq iqtisadiy hemkarliqning keynide qaldi. Bu mesilini hel qilish üchün , bu ikki dölet bir - birini düshmen dep qarimasliqi kérek, belki dost we hemkarlashquchi dep qarishi kérek. Bu jehette , amérika chuqum xitayning yadro küchining wehime körsitish iqtidarini étirap qilishi kérek, uni sel chaghlimasliqi kérek. Qarshi terepning xuddi teywen mesilisidek eng muhim istratégiyilik menpe'etini közde tutushi kérek. Shundaq qilghanda, andin xitay - amérika munasiwiti saghlam tereqqi qilidu. Bu ikki döletning hazir bu mesilide hemkarlishishi üchün yene boshluq bar' dep körsetken.

Jozip nay : eger amérika xitayni düshmen dep qarisa, u chuqum bizning düshminimizge aylinidu

Amérikidiki xarward uniwérsitéti xelq'ara munasiwetler inistitotining mu'awin bashliqi jozép nay bu munaziride 'amérika - xitay munasiwitining kelgüsi istiqbali özgirishchan' ikenlikini teswirlep körsetken.

Jozip nay ependi xelq'ara munasiwetler neziriyisi sahesidiki libirallar ning wekili, u 1958 ‏ - yili amérikidiki prinston uniwérsitétida ammiwiy munasiwet neziriyisi'i buyiche doktorluq ünwani alghan, 1960 - yili en'gilyidiki okisport uniwérsitétida pelisepe - siyaset - iqtisad neziriyisi buyiche magistirliq ünwani alghan, 1964‏ - yili xarward uniwérsitétida siyaset penliri buyiche doktorluq ünwani alghan. U, mushu saherlerde eng burun pem - paraset küchi smart power dégen neziyiwiy uqumni otturigha qoyghan kishi. U mushundaq salahiyet bilen sabiq prézidént jimi kartérning dölet ishliri meslihetchisi bolghan. Sabiq périzidént kilintonning uchur - axbarat komitét re'isi bolghan. Uningdin kéyin xarward uniwérsitétigha qaytip, kénnidi tetqiqat inistitotining mudirliqini ötigen. Uning yazghan kitabliri keng kölemde alqishqa ige.

Proféssor nay bu muhakime yighinida xitay mutexessislirining 'junggo küchlinip ketti' dep ipadiliginige qarita ' bu amérikigha wehime keltürelmeydu. Eger amérika xitayni düshmen dep qarisa, u chuqum bizning düshminimizge aylinidu؛ eger xitayni dostimiz dep qarisa, biz birmu dostqa érishelmeymiz. Eger xitayning aldini tosidighan birsi bar déyilse, u xitayning özi' dep körsetken.

U munaziride yene 'eger xitay bashqilarni qistaymen dése, u özi üchün xuddi hinidstan, yaponiye we awstraliyilerning düshminidek bir obraz yaritidu, bu döletler hemmisi bir yengdin qol chiqirip xitayning aldini tosaydu. Biz bundaq aqibetni körüshni xalimaywatimiz, belki xitayni dunyada bir mes'uliyetchan dölet bolushqa, xelq'ara jem'iyetke maslishishqa righbetlendürüwatimiz, mana bu amérikining 1995‏ - yilidin buyanqi xitay siyasiti' dep chüshendürgen.

Jozip bay ependi xitayning amérika - xitay munasiwitidiki eng nazuk yérini körsitip 'eger xitayning neziride , amérikining teywen, tébet mesililiridiki köz qarishi xitayning zémin igilik hoquqigha arilashqanliq dep hésabliniwerse, amérika - xitay mesiliside jiddiy xaraktérlik özgirish peyda bolidu, bundaq ehwal chiqmasliqi mumkin déyilgendimu, amérika - xitay munasiwitining isitbqali parlaq bolmaydula emes, belki xunukliship kétishi mumkin' dep körsetken.