Xitayning '1 ‏- öktebir dölet bayrimi' Uyghurlarning matem küni

Xitay "1 ‏- öktebir dölet bayrimi" ni tebriklep 61 yilliq "netijiliri" ge tentene qilmaqta. Uyghur mulahizichiler, bu 61 yilning Uyghur qatarliq xelqler, xitay kommunistik partiyisining bir partiyilik diktatorliqi astida "yérim ach yérim toq" hayat kechürgen yil bolghanliqini bildürdi.
Muxbirimiz eqide
2010.09.30
Share on WhatsApp
Share on WhatsApp
Urumqi-7-5-Uyghur-pajiesi-Xitay-zomigerligi-305.jpg YouTube Din élinghan bu süretler kirishtürmiside, 5 - iyul ürümchi qanliq weqesidin kéyin chetel metbuatlirining xewerliride bérilgen körünüshler, yeni 7 - iyul künidiki uyghur ayallirining namayishi jeryanida ayallar we balililarning uchrighan muamilisi, 13 - iyul küni yüz bergen xitay saqchilirining 2 uyghurni étip öltürgelik weqesi, shundaqla 6 - iyuldin kéyin, ürümchidiki xitay puqralirining qandaq qorallanghanliqi we urümchi kochilirida uyghurlarni "owlap" yürüp, uyghurlarni urup öltürüshliri körsitilgen.
YouTube Din élindi.

Xitay kompartiyisi her yili 1 ‏- öktebir türlük murasimlar bilen öz hakimiyitini tebriklep kelmekte. Bu yil öktebirde, xitayning dölet axbarati- xelq géziti "ulugh wetinimizning ghelibisini medhiyilep, jungxu'a xelq jumhuriyiti qurulghanliqining 61 ‏- yilliqini tebrikleymiz" serlewhilik bash maqale élan qildi.

Maqalide, xitay kompartiyisining 61 yildin buyan qolgha keltürgen netijisi, urush ghelibisidin tartip, yer tewresh we kelkün apetliridin qutulup, dunya yermenkisi ötküzgenlikige qeder jeryanlar, islahat tereqqiyati, xelqining turmushining kapaletke élin'ghanliqi qatarliqlar tilgha élin'ghan. Uning bilen birge, "bu, xu jintaw rehberlikidiki merkizi hökümetning yétekchilikide, her millet xelqining birdek ittipaqliqida wujudqa chiqqan 61 yil" dep, teriplen'gen.

Dunya Uyghur qurultiyining yawropa birlikidiki alahide wekili memet toxti ependi, xitayning "1 ‏- öktebir dölet bayrimi" munasiwiti bilen élan qilin'ghan bash maqaligha qarita siyasiy mulahize yürgüzüp, buning, pütkül xitay xelqi jümlidin Uyghur xelqi, xitay kommunistik partiyisining bir partiyilik diktatorisi astida erkinliktin mehrum halda hayat kechürgen 61 yil ikenlikini bildürdi.

Memet toxti ependi mulahiziside yene, 61 yildin buyan Uyghurlar duch kelgen siyasiy weziyet, yeni 1949 ‏- yili 10 ‏- ayning 1 ‏- künidin bashlap, Uyghurlarning, tarixta misli körülüp baqmighan xorluq we basturmichiliq siyasiti astida yashap kelgenliki, bu tüpeyli Uyghur xelqining xitay kommunistik partiyisige nisbeten öchmenlik we ghezep - nepritining tolup tashqanliqini, xitay kommunistik partiyisining zulumigha uchrimighan héch bir Uyghur a'ilisining yoq ikenlikini otturigha qoydi.

Memet toxti ependi "1 ‏- öktebir xitay dölet bayrimi" künini, xitay kommunistik partiyisi qandaq tentene qilishi we metbu'atliri arqiliq teshwiqatlirini qanchilik küchlük élip bérishtin qet'iy nezer, Uyghur xelqining qelbide ashkara we yoshurun qan yighlaydighanliqini, dunya Uyghur qurultiyining "1 ‏- öktebir" künini, "sherqiy türkistan xelqining matem küni" qilip békitkenlikini tekitlidi.

Memet toxti ependi axirida, xitay kommunistik partiyisining Uyghurlar üstidin yürgüzüwatqan qanunsiz siyasetliri üstidin, naraziliq bildürüshning, Uyghurlarning, bolupmu chet'ellerdiki Uyghurlarning "bash tartip bolmaydighan muqeddes burchi" ikenliki, shunga yillardin buyan d u q ning yétekchiliki astida chet'ellerdiki Uyghurlarning del 1 ‏- öktebir, herqaysi döletlerdiki xitay elchixaniliri aldida namayish élip bérish, nutuq sözlesh we teshwiqat wereqiliri tarqitish pa'aliyetliri élip bérip, xitay kommunistik partiyisining heqiqiy epti  - beshirisini ashkarilap bériwatqanliqini bildürdi.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet