Xitay - bérma chégrisidiki jiddiylik toghrisida bügünki yéngi uchurlar

Shinxu'a agéntliqining bügün ran'gun shehiridin bayan qilishiche, bérmining shimal teripidiki 1‏ - alahide rayonda bir nechche kündin buyan weziyet jiddiyleshken. Bérmining bu rayonidiki chégra xelqi we bu rayonda tijaret qiliwatqan xitay puqraliri parakende bolup yünnen'ge qéchishqa bashlighan.
Muxbirimiz weli
2009-08-28
Share
Berma-toqunushi-305.jpg Sürette, toqunush yüz bergendin kéyin bérmidin xitaygha qéchip kéliwatqan qachaqlar.
AP Photo

Shinxu'a agéntliqining teswirlishiche, bérma 10 polk eskiriy küchi bilen kokang rayonigha zeherlik chékimlik aqturush üchün kirgende , qarimu - qarshi terepler öz - ara étiship ketkendin kéyin, bu rayondiki xitaylar pitrap ketken. 1989‏ - Yili bérma hökümiti bilen bu rayon otturisida yerlik qoralliq qisimlarni saqlap qélish sherti bilen kélishim tüzülgendin kéyin dawamlishiwatqan chégra sodisi hazir toxtighan.

B b s ning bayan qilishiche, bérmining kokang rayonidiki hökümetke qarshi qoralliq küchler 27‏ - awghust küni bérmining la'os bilen chégrilinidighan jaydiki bir saqchi idarisigha hujum qilip, uni ishghal qiliwalghan. Shuningdin kéyin bu rayonda weziyet téximu jiddiyleshken.

Chin gangning bu heqtiki bayanati

Roytrs agéntliqining béyjingdin bayan qilishiche, xitay tashqi ishlar minisitirliqining bayanatchisi chin gang bügün bu heqte bayanat élan qilip, qattiq teleppuz bilen 'bérma özining ichki mesililirini yaxshi bir terep qilishi lazim' dégen we yene 'bérmidiki xitay puqralilirini yaxshi qoghdishi lazim' dep tekitligen.

Bügün'ge qeder bérmidin xitayning yünnen ölkisige qéchip kelgen adem sani 30 minggha yetti

B d t musapirlar mehkimisining bayanatchisi andirej maxiji bügün, bérma qisimliri bilen bérmining kokang rayonidiki xitaylarning qoralliq küchliri otturisida toqunush yüz bergendin kéyin, bügün'ge qeder bérmidin xitayning yünnen ölkisige qéchip kelgen adem sani 30 minggha yetken.

Xitayning bérmigha chégridash bolghan yünnen ölkisining nensen sheherchisi bérmidin qachqan xitay musapirlarni torar jay we yémek bilen teminleshke bashlighan. Fransiye agéntliqining bayan qilishiche, b d t ning musapirlar mehkimisi hazir yünnendiki bu musapirlar lagiri bilen alaqe qilishqa bashlighan.

Bérma da'iriliri chöküp ketken bir béliqchiliq paraxotini süzüsh jeryanida ikki neper xitay puqrasining jesitini bayqighan

Shinxu'a agéntliqning bayan qilishiche, 8‏ - ayning 24 ‏ - küni dilowa portidin 3 déngiz chaqirim yéraqliqta (ran'gun shehiridin 10 chaqirim yéraqliqtiki déngiz yüzide ) , hawa rayi normal ehwal astida chöküp ketken bir béliqchiliq paraxotini bérma da'iriliri süzüsh jeryanida, ikki neper xitay puqrasining jesitini bayqighan, yene 14 neper xitay puqrasi téxiche tépilmighan.

Tünügün xitayning bérmida turushluq bash elchixanisining éniqlishiche, bu paraxot xitayning ningbo shehiridiki bir béliqchiliq shirkitining bérma bilen hemkarliship heriket qiliwatqan paraxoti iken.

Amérika tashqi ishlar mnisitirliqi bérma - xitay chégrisida yüz bériwatqan weziyetni jiddiy közitiwatidu

Amérika awazining bayan qilishiche, bérmida döletning herbiy qisimliri bilen hökümetke qarshi yerlik qoralliq küchler otturisida jiddiy urush yüz bérip, bérmining kokang rayondiki chégra xelqi xitaygha qéchishqa bashlighandin kéyin, amérika tashqi ishlar mnisitirliqi bu rayonda yüz bériwatqan weziyetni jiddiy közitiwatidu.

'Yer shari waqiti géziti'ning xewirige qarighanda, bu rayondiki toqunushning xitay rayonlirigha kéngiyip kétishidin saqlinish üchün, xitay hökümitimu alliqachan bérma bilen chégridash rayonlargha qoralliq saqchi qisim ewetip bolghan . Hazir bu rayonda oq - zembirek awazi üksimeywatidu.

Bu weziyet, meyli qaysi jehettin bolmisun, xitayning menpe'eti üchün intayin ziyanliq

Gérmaniye awazining bügün élan qilghan obzorida bayan qilinishiche, hazir xitay bérmida su éléktir istansisi, su tosmisi yasawatqan we chet'ellerdin alghan néfitlirini bérma arqiliq ekilish üchün néfit turubisi yasashqa jididiy teyyarliq qiliwatqan idi. Yéqinda bérma hökümet armiyisi bilen bérmining kokang rayonidiki qoralliq küchler otturisida yüz bergen toqunush on minglighan ademning xitaygha éqip kérishge sewebchi boldi.

Gerche weqe yüz bergen rayondiki kokanglarning eskiriy küchi 1500 din ashmisimu, emma ular hazir shu rayondiki bérma hökümitige qarshi 20 ming eskiri bar wa qushunliri dep atilidighan yene bir herbiy küch bilen birliship heriket qilishqa yüzlinip, weziyet téximu murekkeplishiwatidu. Bu, meyli qaysi jehettin bolmisun, xitayning menpe'eti üchün intayin ziyanliq. Xelq'ara munasiwetler noqtisidin éytqandimu, bérma hazir xitaydin ibaret bundaq bir chong döletning teleplirige psen qilmaywatidu, xitay buningdin qattiq xapa bolidighanliqi éniq.

Bérmidiki xitay qachqéchi bérma qisimliri bir mashinisazliq zawutigha kirmekchi bolghandin kéyin peyda bolghan

Yéqinda xitay hökümitining meblighi ötküziwélin'ghan . Dowéy agéntliqining bügün ashkarilishiche, bérmidiki xitay qachqéqi, bérma hökümiti 8‏ - ayning 8‏ - küni dunyaning zeherlik chékimlik merkizi dep atilidighan bu rayon'gha zor eskiriy küchi bilen kélip, bir mashinisazliq zawutigha kirmekchi bolghanda peyda bolghan toqunushtin kéyin kélip chiqqan. Hazir bu rayondiki xitaylar tijaritini we pütün mülkini tashlap xitaygha qachmaqta.

Xitay - bérma chégrisida jiddiylik peyda boluwatqanda, sékkimdimu xitay qisimliri bilen hinidstan qisimliri otturisida étishish yüz bergen

Bu agéntliqning hindistan waqit géziti, s n n we IBN lerning uchurliridin neqil keltürüp bayan qilishiche yene, xitay - bérma chégrisida jiddiylik peyda boluwatqan mushu künlerde yene, 25 - awghust küni xitay - hindistan chégrisidimu, sékkimning nadula tagh éghizida xitay qisimliri bilen hinidstan qisimliri otturisida étishish yüz bergen, étishish 26 ‏- chisla küni téximu jiddiy tüs alghan, emma buning tepsilati téxiche melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet