Хитайниң, һәрбий қораллиримиз 'тәйвән, уйғур, тибәт мустәқилчилиригә тақабил туруш үчүн' дегинигә америка ишинәмду?

Хитай коммунист партийә һәрбий комитетиниң муавен рәиси шү сәйху һазир америкини зиярәт қиливатиду, у америка истратегийә тәтқиқат орнида нутуқ сөзлигәндә, хитайниң узун мусапилиқ башқурулидиған бомба вә ядро қораллирини тәрәққи қилдуруши пәқәт тәйвән, шинҗаң, тибәт мустәқилчилиригә тақабил турушни мәқсәт қилиду дәп чүшәндүргән. Әмма мутәхәссисләр бу гәпкә ишәнмәйду.
Мухбиримиз вәли
2009-10-27
Share
Xitay-herbi-parat-oct-1-atom-bomba 1-Өктәбир күни, хитай дөләт байримида параттин өтүватқан хитайниң әң йеңи типтики башқурулидиған бомба системисиниң көрүнүши.
AFP Photo

Хитай коммунист партийә һәрбий комитетиниң муавен башлиқи шү сәйху һазир америкини зиярәт қиливатиду, б б с ниң баян қилишичә, шү сәйхуниң америка зиярити 11‏ - айниң 3 ‏ - күнигичә давам қилидикән. Униң бу қетимқи америка зиярити хитай билән америка оттурисидики һәрбий җәһәттики өз - ара ишәнмәсликни йоқ қилишни мәқсәт қилидикән. Шү сәйху америкиға келипла, алди билән америкиниң истратегийилик қоманданлиқ шитабини, тинч окян армийиси қоманданлиқ шитабини вә һава, деңиз, қуруқлуқ қисимлириниң үч қоманданлиқ шитабини зиярәт қилған.

Америка авазиниң баян қилишичә, хитайниң бу алий дәриҗилик һәрбий әмәлдари америка хәлқара истратегийә тәтқиқат мәркизидә қилған сөзидә 'хитайниң узун мусапилиқ башқурулидиған бомба қатарлиқларни өз ичигә һәрбий қоралларни тәрәққи қилдуруши америкиға қаритилған' дегән баһаларни рәт қилип 'бизниң башқурулидиған бомба вә ядро қораллирини тәрәққи қилдуришимиз тәйвән мустәқилчилири, уйғур мустәқилчилири вә тибәт мустәқилчилиригә қаритилған, чүнки дөлитимиз техи бирликкә кәлтүрүлгини йоқ' дәп чүшәндүргән. Әмма шү сәйхуниң бу гәплиригә мутәхәссисләр ишәнмәйду.

Буниңдин бурун хитайниң бир һәрбий әмәлдари бизниң ядро қораллирини елип маңидиған башқурулидиған бомбилиримиз америкиниң лос анҗилис, нюйорк шәһәрлиригә йетиду, дәп тәһдит салған иди

Түркийидики һаҗәттәпә университетиниң дотсенти, истратегийилик чүшәнчә иниститотиниң тәтқиқатчиси әркин әкрәмниң қаришичә, буниңдин бурун хитайниң бир һәрбий әмәлдари бизниң ядро қораллирини елип маңидиған башқурулидиған бомбилиримиз америкиниң лос анҗилис, нюйорк шәһәрлиригә йетиду, дәп тәһдит салған иди. Әмди хитай бу һәрбий әмәлдариниң сөзини кишиләр адәм алдаватиду, дәп чүшиниши мумкин.

Хитайниң узун мусапилиқ башқурулидиған бомбилири әмәлийәттә америкиға қаритилған

Һазир америкида туруватқан җәмийәтшунас, иқтисадшунас чен шавнуң хитайниң бу алий дәриҗилик һәрбий әмәлдариниң сөзигә һәргиз ишәнмәйдикән. Униң қаришичә, әмәлийәттә хитайниң аталмиш ядро қоралири вә униңға мунасип һалда тәйярланған оттура вә узун мусапилиқ башқурулидиған бомбилири америкиға қаритилған. Униң қаратмилиқи русийиниму өз ичигә алиду, әлвәттә. Бир нәччә миң километир мусапини көзләп ясалған башқурулидиған бомбиларни, су асти парахотлардин бир нәччә миң километир йерақлиққа атидиған ядро қоралларни тәйвәнгә қаритилған десә һечким ишәнмәйду, чүнки тәйвән аран хитайдин бир нәччә йүз километир йерақлиқта.

Шү сәйхуниң бу гәплири америка тәтқиқатчилирини һамақәт чағлиғанлиқ

Чен шавнуңниң қаришичә, шү сәйхуниң бу гәплири рас гәп әмәс, һәрбий саватлардин азарақ хәвири бар һәр қандақ адәм буни биләләйду. Бу қораллар уйғур, тибәт мустәқилчилиригә тақабил туруш үчүн ясалған дегини техиму қамлашмиған гәп, уйғурларниң, тибәтләрниң ичидики өзлириниң кәлгүсигә әһмийәт бериватқан кишиләр йерақ бир җайда әмәс, хитай уларни һәрбий қисимлири билән муһасиригә елип туруватиду, уларға узун мусапилиқ башқурулидиған бомбиға ядро бомбиси қачилап етиш һаҗәт әмәс, шү сәйхуниң 'җуңгониң башқурулидиған бомбилири тәйвән, уйғур, тибәт мустәқилчилиригә қаритилған' дәп чүшәндүргәнлики америка тәтқиқатчилирини һамақәт чағлиғанлиқ.

Әгәр уйғурлар бундақ гәпләргә ишәнсә намайиш қилмайтти

Хитай коммунист партийә һәрбий комитетиниң муавин башлиқи шү сәйхуниң бу гепигә уйғурлар ишинәмду? әркин әкрәмниң қаришичә, әгәр уйғурлар бундақ гәпләргә ишәнсә намайиш қилмайтти.

Пикирләр (6)

Барлиқ пикир - баянларни көрүш.

Anonymous says:
Oct 27, 2009 09:44 PM

Хиттайлар интайин қелин хәқ.. Һәр қандақ гәпни дийиштин хиҗил болмайду.. Мән бу бомбини бизгә қаритилған дәп қараймән.. Шу бомбиларниң қорқунишида йашаватқан ﯪтмни ,, миһрибан ﯪнамни әслигинимдә ,, . .. Бу бомбиниң миниң ﯪиләмгә қаршила йасалғинидәк һисларда болимән . . Худа исип қилса . . Бизниң ﯪрмийәлиримизму . . Буниңдин катта бомбиларни йасайду.. Шу вақти кәлгәндә ,, хтайниң қени билән майлап туруп ,,хтайға ﯪтимиз.. Һурррра һурррра . . . . .. .

Anonymous says:
Oct 28, 2009 08:10 AM

Шу сәйхуниң бу сөзиниң -ﯪсаси бар.Уйғур,тибәт,тәйвән мустәқилчилирини қоллиған дөләтләрму хитай долити тәрпидин душмән санилиду.Бу бомбиларни шуларға -ишлитимиз димәкчи болуши мумкин.

Anonymous says:
Oct 29, 2009 05:04 AM

Мәнму әшәнмәймән.

Anonymous says:
Oct 29, 2009 09:53 AM

ﯪДм әмәс һайван һаман йоқайдү!!!!

Anonymous says:
Oct 28, 2009 05:56 AM

Хитайниң бу гипигә һечким ишәнмәйду

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт