Хитайниң рәһбәрлик қатлимида болуватқан һоқуқ күрәшлири (1)

Чәтәлләрдә хитайчә чиқидиған 'бошүн', 'хитайға нәзәр', 'довей' қатарлиқ учур вастилири һазир хитайниң рәһбәрлик қатлимида болуватқан һоқуқ күрәшлирини ашкарилайдиған мақалиләрни елан қиливатиду.
Мухбиримиз вәли
2010-05-07
Елхәт
Пикир
Share
Принт
Сүрәт, ху җинтавниң үрүмчидики хитай қораллиқ күчлирини көздин көчүргәндә сөз қиливатқан көрүнүши.
Сүрәт, ху җинтавниң үрүмчидики хитай қораллиқ күчлирини көздин көчүргәндә сөз қиливатқан көрүнүши.
news.sina.com.cn Дин елинди.

Ашкариланған учурлардин мәлум болушичә, хитайниң рәһбәрлик қатлимида һазир болуватқан һоқуқ күрәшлири, охшимиған сиясий мәзһәпләр 2012 ‏ - йили ечилидиған коммунист партийиниң 18‏ - қурултийида һоқуққа еришиш үчүн елип бериватқан тәйярлиқ вә күч көрситиш һәрикити.

'Бошүн тор гезити ' дә баян қилинишичә, хитайниң рәһбәрлик қатлимида һазир йүз бериватқан һоқуқ күрәшлири 1989‏ - йилидики 4‏ - июн вәқәсидин кейинла башланған. Униңда ейтилишичә, дең шавпиң билән чен йүн қатарлиқ сиясий қатмаллар оттурисида болған мурәссә арқилиқ, җаң земин из басарлиққа бәлгиләнгәндин кейин, мәлум бир 'данишмән' җаң земинға 'үчкә вәкиллик қилиш муһим идийиси' дегән қуруқ гәпни тәқдим қилған. Җаң земин бу 'әңгүштәр' гә еришкәндин кейин, худди мав зедуң йәнәндә 'үчни сөзләш тәрбийиси' дегән нам билән истил түзитиш һәрикити елип барғанни тәқлид қилип, өзиниң бу 'муһим идийә'сини хәлққә теңишқа башлиған.

Җаң земинниң баш мәслиһәтчиси зең чиңхуң 'үчкә вәкиллик қилиш' дегән бу җаң земинниң 'муһим идийә'сини пүтүн әмәлдарға етирап қилғузуш үчүн, һәр қайси өлкиләрдики әмәлдарларниң хусусий мүлкини тәкшүрүп тизимға алғузуп, қачан халиса уларни җазалашқа болидиған бу 'пакитлар' ға асасән, әмәлдарларға бесим шәкилләндүрүп, җаң земинниң 'муһим идийиси' гә болған охшимиған авазларни йоқ қилған.

'Бошүн тор гезити'дә баян қилинишичә, әмәлийәттә, җаң земин 'үчкә вәкиллик қилиш' дегән қуруқ гәпни маркисизм, ленинизм, мав зедуң идийиси, дең шавпиң нәзәрийиси дегәнләрниң қатариға қоюш үчүн өзи җакарлиғанлиқи, бәлки униңға 'муһим идийә ' дегән сүпәтнамни қошқанлиқи, әмәлдарларни вә хәлқни буни етирап қилишқа мәҗбурлиғанлиқи, униң учиға чиққан билимсиз, һамақәт икәнликини испатлайтти.

Җаң земин 'үчкә вәкиллик қилиш' дегән қуруқ гәпни тәшвиқ қиливерип, хәлқниң ғәзипини қозғиғандин кейин, 2007‏ - йили чәтәлләрдә җав миң дегән тәхәллус билән елан қилинған бир мақалидә, 'үчкә вәкиллик қилиш' дегәнни мәркизи комитетниң ишхана мудири ваң хуниң хоңкоңдики нән сиго дегән мунәҗҗимдин тәлим елип иҗат қилғанлиқини, бу 'иҗадийәт' дәл тарихта өткән сүн тоңа дегән сүйиқәстчиниң чиң сихуаңға 'әл тутуш чариси' тәқдим қилиш арқилиқ, чиң шихуаңни йоқатқан әндизә буйичә лайиһиләп чиқилғанлиқини ашкарилиғандин кейин, җаң земин андин өзиниң сүйиқәсткә учриғанлиқини, йәни ху җинтавниң 2001 ‏ - йили 7‏ - айда 'үчкә вәкиллик қилиш муһим идийиси' дегән қуруқ гәпни коммунист партийиниң низамнамисигә киргүзүшини қизғин тәвсийә қилғанлиқи бир хәтәрлик сүйиқәст икәнликини сәзгән.

'Бошүн тор гезити ' дә баян қилинишичә, дең шавпиң 1989‏ - йилидики 4‏ - июн вәқәсидин кейин җаң земинни үчинчи әвлад ядро, ху җинтавни 4‏ - әвлад ядро дәп бекиткәндила, ху җинтав, хитайдин чиқип кетип америкида турған, кейин хоңкоңда туруп қалған нән хуәйҗин дегән мунәҗҗимни өзигә устаз қилған иди. Әйни вақитта нән сиго дегән мунәҗҗим җаң земинниң баш мәслиһәтчиси зең чиңхуңниму шагиртлиққа алған иди.

'Бошүн тор гезити ' дә баян қилинишичә, ‏ - хитайда һоқуқ тутқан һокүмранлардин мунәҗҗимләрниң 'данишмәнгә таянған хан болиду, достиға таянған зомигәр болиду, ялақчиға таянған гумран болиду' дегән гепини әстә тутуп, кәлгүсидики сорақлардин сақлиниш үчүн из басар тәйярлашқа әһмийәт бәрмигини йоқ, һазирму шундақ. Бәлки 18‏ - қурултайниң ечилидиған вақти йеқинлашқансери, хитайниң рәһбәрлик қатлимидики һәр хил мәзһәпләр оттурисидики һоқуқ күрәшлири шунчә җиддийлишиватиду.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)
Share
Толуқ бәт