Ghulja etrapidiki yéngi sélin'ghan imaretlerge xitay köchmenliri yerleshmekte

Xitay hökümet terep statistika melumatliridin qarighanda Uyghur ili bolupmu ürümchi shehri yéqinqi bir qanche yildin buyan öy bahasi eng téz örligen rayon we yaki sheherlerning biridur. Lékin bezi analizchilarning ilgiri sürüshiche, bu xitay öy baziri sodisining qizip kétishi bilen munasiwetlik memliket xaraktérlik hadise bolsimu, lékin bu yene bir tereptin xitay köchmenlirining Uyghur iligha köplep köchüp kirip, öyge bolghan telepning éshishi bilenmu munasiwetlik iken. Yéqinda Uyghur ilidin qazaqistan'gha chiqqan bir Uyghur ziyaliy radi'oyimizning ziyaritini qobul qilip, ghulja etrapidiki yéngi sélin'ghan imaretlerge xitay köchmenlirining köplep köchüp kiriwatqanliqini bildürdi.