Сүрийә базарлири хитай маллиридин зерикти

Йеқинқи йиллардин бири әрәб дөләтлиригә хитайниң тәйяр кийим - кечәклири арқа - арқидин һәдәп киришкә башлиши нәтиҗисидә, әрәб дөләтлириниң йәрлик фабрикилирини мислисиз зиянларға учритип кәлмәктә.
Мухбиримиз өмәрҗан тохти
2010-04-23
Share
Xitay-kiyim-kechek-zawiti-ishchilirining-ish-ustidiki-korunushi-305.jpg Сүрәт, 2010 - йили 10 - апрел тартилған болуп, пиңху шәһиридики бир кийим - кечәк завутида ишләйдиған бир хитай айал ишчиниң иш үстидики көрүнүши.
AFP Photo

Әрәб қолтуқиға җайлашқан дөләтләргә келип - кетидиғанлар вә херидарлар көп болғанлиқи, йәнә бир тәрәптин бу дөләтләр көпрәк нефиткә таянғанлиқтин, бу дөләтләргә киргән чәтәл маллири йәрлик хәлқниң егиликигә анчә зор тәсир қилип кәтмигән билән, мисир вә сүрийигә охшаш дөләтниң байлиқи вә хәлқниң кирими йәрлик фабрикиларға тайинидиған дөләтләргә чәтәлләрдин киргән әрзан малларниң зийини наһайити көп болмақта. Һәтта сүрийидә йәрлик фабрикилардин йүздә 70 пирсәнти иштин тохтап қалған.

"Әл җәзирә"ниң хәвири

Қатарниң"әл җәзирә" телевизийә қанилиниң 2010 - йили22 - април күнидики хәвиридә, сүрийә хәлқиниң, хусусән сүрийидики йәрлик фабрикиларниң хитайдин кәлтүрүлгән тәйяр кийим - кечәкләрниң көпликидин мөлчәрлигүсиз зор иқтисадий кризисқа йүз тутқанлиқини, бу сәвәбтин сүрийидә дукандарлар вә кийим - кечәк фабрикилиридики ишчиларниң хитай маллириға наразилиқ билдүрүп омумйүзлүк иш ташлаш һәрикити елип барғанлиқини хәвәр қилди.

Хәвәрдә мундақ деийилгән: "сүрийигә хитай маллириниң көпләп кириши вә йәрлик малларниң орнини егилиши нәтиҗисидә, сүрийиниң йәрлик фабрикилиридин йүздә 70 пирсәнти иштин тохтап қалди. Хусусән хитайниң баһаси әрзан, әмма сүпити начар тәйяр кийимлириниң көплики сәвәблик зиянға учриған кийим тикиш фабрикилириниң сани күндин ‏ - күнгә көп болмақта. Өткән икки йил мабәйнидә, сүрийиниң дәмәшиқ вә һәләб шәһәрлиридә, миң йиллардин бири ишләп кәлгән чоң фабрикилардин 74си тақилип қалған, нурғун ишчилар ишсиз қалған. Бу сәвәбтин сүрийиниң дәмәшиқ вә һәләб шәһәрлиридә, икки күндин бири миңларчә ишчилар иш ташлиған."

Хитай маллири сүрийигә қанунсиз йоллар билән кириду

"Әл җәзирә" телевизийисидә елип берилған сөһбәткә иштирак қилған сүрийилик бир иқтисад мутәхәссиси мундақ деди: "сүрийә қануни чәтәлләрдин елип кәлгән малларға йүздә 50 пирсәнт әтрапида баҗ елишни бәлгилигән болсиму, мүшкүлләр содигәрләрниң йолсизлиқидин келип чиқмақта. Чүнки, нурғун содигәрләр хитайниң тәйяр кийимлирини қанунсиз йоллар билән сүрийә базарлириға елип кирип, уларға йәрлик маркиларни чаплап сатиду. Бу сәвәбтин қанун уларни туталмайду вә баҗму алалмайду. Чәтәл маллири сүрийә базарлириға мундақ тохтимастин кириверидиған болса, сүрийә йәрлик маллириниң келичәк тәқдирини тәсәввур қилип болғили болмайду."

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт