2012-Йили түркийидә “хитай мәдәнийәт йили” паалийәтлири болиду

Түркийидики “заман гезити” ниң хәвиридә, түркийидә 2012-йилида өткүзүлмәкчи болған хитай мәдәнийәт йили паалийәтлириниң 12-декабир күни әнқәрәдә башлинидиғанлиқи көрситилгән.
Ихтиярий мухбиримиз әркин тарим
2011.12.06
xitay-enqere-elchisi-gong-shyawsheng-305.jpg Хитайниң әнқәрәдики әлчиси гоң шявшәң хитай мәдәнийәт йилини елан қилди. 2011-Йили 6-декабир, түркийә.
RFA/Erkin Tarim

Мәзкур “2012-йили түркийидә хитай мәдәнийәт йили болиду” сәрләвһилик хәвәрдә хитай мәдәнийәт йили мунасивити билән әнқәрәдә сәнәт кечилики билән “рәңгарәң йипәк йоли” намлиқ рәсим көргәзмиси ечилидиғанлиқи йезилған.

Хәвәрниң тәпсилатида йәнә, “йипәк йолиниң башлиниш нуқтиси болған сеһирлик хитай” темиси астида тәбриклинидиған “хитай мәдәнийәт йили” паалийитидә әдәбият-сәнәт, мәдәний ядикарлиқлар, радио, кино, маарип, қончақ сәнити қатарлиқ түрләр бойичә истанбул, әнқәрә, измир, бурса, анталийә, мәрсин вә тирабзон қатарлиқ шәһәрләрдә 70 қетимдин артуқ паалийәт өткүзүлидиғанлиқи қәйт қилинған.

turkiye-mediniyet-ministiri-ertugrul-gunay-xitay-heyet-gong-shyawsheng-385.jpg
Түркийә мәдәнийәт министири әртугрул гунай хитай һәйәт башлиқи гоң шявшәң билән. 2011-Йили 6-декабир, түркийә.
RFA/Erkin Tarim

2012-Йили түркийидә хитай мәдәнийәт йили паалийәтлири өткүзүлгәндин кейин 2013-йили хитайда түркийә мәдәнийәт йили болидикән. Бу паалийәтләрниң тәйярлиқ хизмәтлири әнқәрәдә җиддий елип берилмақта. 2012-Йили түркийидә хитай мәдәнийәт йили өткүзүлүши түркийидики шәрқий түркистан аммиви тәшкилатлириниң уйғурларниң шундақла шәрқий түркистан мәсилисигә көңүл бөлидиған түркләрниң наразилиқини қозғимақта.

Хитайниң 2012-йили түркийиниң көп санда вилайәт вә шәһәрлиридә хитайни тонуштуридиған һәр хил паалийәтләрни өткүзүшидики мәқсәт немә? уйғурларниң буниңға қарши чиқишидики мәқсәт немә? хитай бу паалийәтләр арқилиқ йәтмәкчи болған мәқситигә йетәләмду? түркийидики шәрқий түркистан аммиви тәшкилатлири буниңға қарши немә паалийәтләрни елип бармақчи? дегәнгә охшаш бир қатар соалларға җаваб тепиш үчүн шәрқий түркистан мәдәнийәт вә һәмкарлиқ җәмийити башлиқи сейит түмтүрк әпәнди, шәрқий түркистан маарип вә һәмкарлиқ җәмийити башлиқи һидайитуллаһ оғузхан әпәндиләр билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.