Ваң яң: 'җуңго аз санлиқ милләтләр сияситигә чоқум түзитиш киргүзүши керәк'

Қәдирлик радио аңлиғучилар, үрүмчи вәқәси қанлиқ бастурулғандин кейин хитай даирилири бу ишни чәтәлләрдики үч хил күчләрниң пәйда қилғанлиқини, үрүмчи вәқәсиниң диний яки миллий мәсилә әмәсликини күчәп тәшвиқ қиливатқан болсиму, әмма вәқәни йеқиндин көзәткүчиләр, үрүмчи вәқәсиниң тамамән хитайниң уйғурларға йүргүзүватқан бесим сияситидин келип чиққанлиқидәк ортақ нуқтида җәм болмақта вә вәқәниң бундақ зорийип нурғунлиған бигунаһ кишиләрниң өлүп кетишигә ваң лечуән вә нурбәкриләрни җавабкар дәп қаримақта.
Мухбиримиз ирадә
2009-07-31
Share
Urumqi-xitay-piqaq-esker-qatil-305 Сүрәттә, 14 - ийул, дөң көврүк базириниң йенида, қораллириға өткүр тиғларни бекитип, уйғурларға қарши постта турған хитай қораллиқ сақчилиридин бири.
AFP Photo

Мәйли уйғурлар болсун, мәйли чәтәлләрдики демократлар болсун бирдәк ваң лечуәнниң бу қетим чоқум вәзипидин елип ташлиниши керәкликини оттуриға қоюп кәлгән иди.

Гәрчә бейҗиң даирилиридин бу һәқтә һечқандақ бир сада кәлмәйватқан болсиму, әмма түнүгүн өзиниң ху җинтавға йеқинлиқи билән тонулған, компартийә сияси бюросиниң әзаси, гуаңдуң өлкилик парткомниң секритари болған ваң яңниң чәтәл мухбирлириға "аз санлиқ милләтләр сияситигә чоқум түзитиш киргүзүш керәк, җуңго дегән көп милләтлик дөләт. Әгәр дәрһал түзитиш киргүзүлмәйдикән, техиму чоң вәқә чиқиду" дәп баян бериши, чәтәл мухбирлириғиму бир йеңилиқ болуп билинди.

Биз ваң яңниң бу сөзиниң немидин дерәк беридиғанлиқи һәққидә түркийә һаҗәттәпә университетиниң оқутқучиси доктор әркин әкрәм әпәнди билән сөһбәт елип бардуқ.

Юқиридики аваз улинишидин, бу сөһбәт хатирисиниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт