Xitay hökümiti özi peyda qilghan apetlerni tebi'etke dönggep qoymaqchimu?

Bügün intérnétte, xitay hökümiti néme üchün bu yil yüz yildin buyan körülüp baqmighan chong apet dégen sözni köp qollinidighan bolup qalghanliqi heqqide munazire qozghaldi. Xitaygha nezer tor géziti ning bügünki obzorida bayan qilinishiche, xitay hökümiti bu yil 3 - ayda yünnen, guyju qatarliq gherbiy jenubtiki besh ölkide yüz yildin buyan körülüp baqmighan chong qorghaqchiliq apiti yüz berdi dédi. Uningdin kéyin, gu'angdungning shawgu'en, xuyju, sentu qatarliq 13 sheherchiside yüz yildin buyan körülüp baqmighan yamghur apiti yüz berdi dédi. Uningdin kéyin, xitay hökümitining uchur wastiliri yüz yildin buyan körülüp baqmighan chong kelkün, chong tashqin yaki dehshetlik tebi'iy apet dégen sözni hemmila jayda qollinidighan bolup qaldi.
Muxbirimiz weli
2010.08.02

4 Yilda 3 qétim yüz yil kélemdiken?

Uningda bayan qilinishiche, gu'angdungning léchang shehiridin bir tordash bügün men bu sheherde turuwatqan 4 yil ichide, hökümet 3 qétim yüz yildin buyan körülmigen yamghur apiti yüz berdi dédi. 4 Yilda 3 qétim yüz yil kélemdiken? intérnéttin uchur izlesh matori beydu din axturup baqsam, bu yil hökümetning uchur wastiliri yüz yildin buyan körülmigen dégen sözni 4 milyon 120 ming qétim qolliniptu. Xitay hökümiti 60 - yillardimu, chong acharchiliq yüz bérip 30 - 40 milyon adem ölgen weqedin burun, gézitlarda tarixta misli körülmigen tebi'iy apet dégen sözni eng köp qollan'ghan iken. Xitay hökümiti hazir yene köp qollinwatqan yüz yildin buyan körülüp baqmighan dégen sözning keynige néme süyiqest yushurun'ghanliqini bilgim kéliwatidu dep yazghan.

Xitayda yüz yilda bir körülgen eng chong apet - - - markisizm we kommunist partiye

Yene bir tordash bu heqte yazghan obzorida xitayda yöz yildin buyan körülüp baqmighan chong apet - markisizm we kommunist partiye. Kommunist partiye xelqqe eng chong apet keltürüsh üchün xelq üchün xizmet qilish, xelqning oghli bolush dep yalghan teshwiq qilghan. Hazir yene özi pen - ilimge, iqtisadiy qanuniyetke we tebi'iy qanuniyetke xilap ish qilip keltürüp chiqarghan balay - apetlerni yöz yildin buyan körülüp baqmighan apet dégen söz bilen yushurush arqiliq, uni tebi'etke dönggep qotulmaqchi boluwatidu dep yazghan.

Buyil Uyghur aptonom rayonidimu yöz yildin buyan körülüp baqmighan apet dégenni köp qolliniwatidu

Uchur arxiplirigha qarighanda, xitay bu yil Uyghur aptonom rayonidimu yöz yildin buyan körülüp baqmighan dégen sözni köp qollandi. Mesilen shimalda yöz yildin buyan körülüp baqmighan qar apiti yüz berdi, jenubta yöz yildin buyan körülüp baqmighan qorghaqchiliq boldi dédi. Uningdin kéyin shimalda yüz bergen tashqinnimu yöz yildin buyan körülüp baqmighan tashqin dédi. Jaylarda chiqqan borannimu yöz yildin buyan körülüp baqmighan qum, boran,dédi.

Uyghur ziyaliyliri aldi bilen bay weqesini eslidi

Türkiyidiki teklimakan neshriyatining mes'uli abdujélil turan ependi, aldi bilen xitay peyda qilghan bay weqesini eslep ötüp, andin mulahizisi arqiliq, yüz bergen her qandaq weqege hökümet özi tedbir élishi, mes'ul bolushi, andin buningdiki teqdirge da'ir amillar hésabqa élinishi lazmliqini, bu tarxtin buyan dawamliship kéliwatqan en'ene ikenlikini sherhiylep körsetti.

Yuqiridiki ulinishtin bu progirammining tepsilatini anglighaysiler.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.