Әнқәрәдә хитай - түркийә мунасивәтлиригә аит муһакимә йиғини ечилмақчи

Хитайни тонуштуруш паалийити 10 - айниң 17 - күни әнқәрәдә рәсмий башлиниду. Бу паалийәтниң күн тәртипи бойичә 10 - айниң 18 - күни түркийә хәлқара истратегийә тәтқиқат идарисида түркийә - хитай мунасивәтлири һәққидә йиғин ечилмақчи.
Мухбиримиз әркин тарим
2010-10-14
Елхәт
Пикир
Share
Принт
Сүрәт, дуқ муавин рәиси сейит түмтүрк әпәнди билән һайруллаһ әфәндигил әпәндиләр, хәлқара истратегийә тәтқиқат идариси башлиқи др. Сәдат лачинәр әпәнди  билән биргә.
Сүрәт, дуқ муавин рәиси сейит түмтүрк әпәнди билән һайруллаһ әфәндигил әпәндиләр, хәлқара истратегийә тәтқиқат идариси башлиқи др. Сәдат лачинәр әпәнди билән биргә.
RFA Photo / Erkin Tarim

Бу йиғинға, хитайдин келидиған мутәхәсисләрдин башқа йәнә хитайниң түркийидә турушлуқ баш әлчиси гоң шявшеңму қатнишидикән.

Мәзкур йиғин башлиништин бурун дуқ муавин рәиси сейит түмтүрк әпәнди билән һайруллаһ әфәндигил әпәнди бу идарини зиярәт қилип, хитайниң бүгүн уйғурларға елип бериватқан сиясити һәққидә мәлумат бәрди.

Икки саәт давам қилған бу зиярәт һәққидә мәлумат елиш үчүн алди билән мәзкур тәтқиқат орниниң башлиқи доктор сәдат лачинәр әпәндигә микропонимизни узаттуқ.
Сүрәт, д у қ вәкиллири хәлқара истратегийә тәтқиқат идариси башлиқи др. Сәдат лачинәр әпәндини зийарәт қилип, хитайниң бүгүн уйғурларға елип бериватқан сийасити һәққидә мәлумат бериватқан көрүнүш.
Сүрәт, д у қ вәкиллири хәлқара истратегийә тәтқиқат идариси башлиқи др. Сәдат лачинәр әпәндини зийарәт қилип, хитайниң бүгүн уйғурларға елип бериватқан сийасити һәққидә мәлумат бериватқан көрүнүш. RFA Photo / Erkin Tarim
 
Др. Сәдат лачинәр әпәнди 10 - айниң 18 - күни хитайдин келидиған мутәхәссисләр билән ачмақчи болған йиғин һәққидә мәлумат берип мундақ деди:
   
" 18 - Числа биз хитайлар билән ачмақчи болған йиғинда түркийә билән хитай оттурисидики һәмкарлиқ һәққидә музакирә елип баримиз. Икки дөләт оттурисидики мунасивәт һәққидә тәтқиқат бәкла аз. Хитайниң түзүми, дуня қариши түркийигә охшимайду. Түрк хәлқи хитайни яхши чүшәнмәйду. Шуңа хитайниң иқтисадий, сиясий вәзийити һәққидә тәпсили бир тәтқиқат елип беришимиз лазим. Әтраплиқ тәтқиқат елип барғандин кейин, хитай билән қандақ бир мунасивәт орнитишимиз керәклики оттуриға чиқиду."
   
Хәлқара истратегийә тәтқиқат идариси башлиқи др. Сәдат лачинәр әпәнди түркийә - хитай мунасивәтлиридики әң муһим мәсилиләрдин бириниң шәрқий түркистан мәсилиси икәнликини чүшәндүрүп мундақ деди:
   
"Икки дөләт оттурисидики әң муһим мәсилиләрдин бири шәрқий түркистан мәсилисидур. Түркийиниң бу мәсилигә болған позитсийиси ениқ, йеқинқи йилларда техиму ениқ болғили турди. Биз зораванлиққа тайинип мәсилини һәл қилишқа қарши туримиз. Иккинчиси, дөләтләр өз пуқралири үчүн қилишқа тегишлик болған вәзипилирини ада қилиши керәк. Бүгүн дуняда дөләтләрниң вәтәндашлириға қандақ муамилә қилиши һәққидә өлчәмләр бар, түркийә бу өлчәм бойичә хәлқиғә муамилә қилишқа тиришиватиду, хитайму бу өлчәмләргә риайә қилиши керәк. Кейинки 10 йилдин бери хитай түркийә билән болған мунасивәтни тәрәққий қилдурушқа тиришиватиду, йеқиндин бери хитайниң түркийигә болған қизиқиши техиму күчәйди. Әгәр биз хитай билән қоюқ мунасивәт орнатсақ бир - биримизни техиму яхши чүшәнсәк, оттуримиздики мәсилиләрни һәл қилишимизға көп пайдиси болиду дәп ойлаймән."

Юқиридики аваз улинишидин, бу һәқтики сөһбитимизниң тәпсилатини аңлайсиләр.



 
Пикирләр (0)
Share
Толуқ бәт