Xitay bixeterlik xadimi gheyretning sirliq ölümi (1)

Uyghur aptonom rayonidiki xitay dölet bixeterlik nazariti jasusluq xadimi gheyret nurmemet, bu yil 1 - ayda öyide tuyuqsiz ölüp qalghan. Ehwaldin xewerdar kishilerning bildürüshiche, gheyretning ölümi sirliq weqe bolup, u, ölüshtin bir qanche kün ilgiri, özining türmilerde 5 - iyulda tutqun qilin'ghanlarning échinarliq ehwallirini körgenliki hem süretke alghanliqini éytqan iken.
Muxbirimiz gülchéhre
2010-09-14
Share
Urumqi-7-5-Uyghur-pajiesi-Xitay-zomigerligi-305.jpg YouTube Din élinghan bu süretler kirishtürmiside, 5 - iyul ürümchi qanliq weqesidin kéyin chetel metbuatlirining xewerliride bérilgen körünüshler, yeni 7 - iyul künidiki uyghur ayallirining namayishi jeryanida ayallar we balililarning uchrighan muamilisi, 13 - iyul küni yüz bergen xitay saqchilirining 2 uyghurni étip öltürgelik weqesi, shundaqla 6 - iyuldin kéyin, ürümchidiki xitay puqralirining qandaq qorallanghanliqi we urümchi kochilirida uyghurlarni "owlap" yürüp, uyghurlarni urup öltürüshliri körsitilgen.
YouTube Din élindi.

Gerche bu ölüm ürümchide xéli ghulghula qozghighan bolsimu, xitay hökümiti buni yépiq bir terep qilghan. Gheyretning sirliq ölümi dawamliq ghulghula qozghimaqta.

Gheyret nurmemet, 36 yash, ürümchide tughulghan. Ürümchidiki Uyghur aptonom rayonluq qoralliq saqchi mektepni tamamlighandin kéyin, Uyghur aptonom rayonluq dölet bixeterlik nazaritide, siyasiy jinayetchilerni tutushqa mes'ul bashqarmining razwédka xadimi bolup ishlep kelgen.

Melum bolushiche, gheyret nurmemet 2010 - yili 1 - ayda tuyuqsiz öyide ölüp qalghan'gha qeder, 10 nechche yildin buyan xitay hökümitige sadiqliq bilen ishlep kelgen. Gheyretning uruq tughqanliri we uning bir qisim yéqinliri gheyretning yüzi kökirip ketken jesitige qarap türlük gumanlarda bolghan bolsimu, xitay da'iriliri békitken qanun doxturi uning tuyuqsiz ölüp qélishi nepes yoli késellikidin dep di'agnoz qoyup, a'ilisidikilirining uning ölüm sewebini artuqche sürüshte qilmasliqqa agahlandurghan.

Gheyretning yéqinliridin sürüshte qilishimizche, uning dadisi nurmemetmu, gheyret xizmet qilghan xitay bixeterlik orginidin pénsiyige chiqqan xadim iken.

Xitay hökümitining Uyghur élidiki qattiq basturush, üch xil küchlerge qattiq zerbe bérish heriketliride sadiqliq bilen aktip xizmet qilip kelgen gheyretning sirliq ölümi bir mehel ghulghula qozghap bésiqqan bolsimu, gheyret nurmemetning yéqin aghiniliridin biri yéqinda chet'elge qéchip chiqqandin kéyin, özining chet'elge qéchishiningmu del gheyretning sirliq ölümi bilen munasiwetlik ikenlikini bildürüp, istansimizgha gheyretning ölümining sirliq tereplirini ashkarilidi we "gheyret xitay hökümiti teripidin öltürüldi" dep, ishinidighanliqini bildürdi.

Uyghurlar arisidiki siyasiy jinayetchilerni razwédka qilishni kesip qilip, aktip xizmet körsitip kelgen gheyret isimlik bu jasusning pexirliniwatqan kespidin gumanlinishigha, wijdanining oyghinishigha néme seweb boldi?

Biz gheyretning ölümige munasiwetlik toluq uchurlarni élish üchün gheyretning ürümchidiki a'ilisidikiler bilen alaqiliship körgen bolsaqmu, ular birdek ziyaritimizni ret qilip keldi. Halbuki, gheyretning ölümining heqiqeten gumanliq ikenliki igiligen munasip uchurlardin ashkarilanmaqta.

Bu heqte yenimu tepsiliy uchurlarni kéyinki programmimizda tonushturimiz.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet