'Xitayning rabiye xanimgha qarshi hujumliri üzlüksiz meghlup bolmaqta'

10 - Ayning 14 - künidin 19 - künigiche gérmaniyining frankifurt shehride ötküzilidighan xelq'araliq kitab yermenkisige d u q re'isi rabiye qadir xanimmu teklip qilin'ghan.
Muxbirimiz ekrem
2009.09.24
Rabiye-xanim-yawropa-Libo-Roucek-ependi-305.jpg Sürette, rabiye xanim we d u q rehberliri yawrupa parlaméntining muwain resi libor roujek bilen birge.
RFA Photo / Ekrem

Bu munasiwet bili'en, xitay metbu'atliri aldinqi künliri maqalilar élan qilip, gérmaniye hökümitidin rabiye xanimning bu yermenkige qatnashturulmasliqini telep qilghan we eksiche bolghanda, ikki dölet otturisidiki munasiwetke tesir yétidighanliqini eskertip, gérmaniye terepke bésim ishlitishke urun'ghan.

D u q mu'awin re'isi esqerjan ependining bildürüshiche, bu qétimqi yermenkide xitay terep sherep méhmini salahiyiti bilen qatnishidighan bolup, her yili birla döletke bérilidighan bu imtiyazgha érishken xitay hökümiti öz hoquqidin paydilinip, rabiye qadir xanimning pa'aliyetlirini cheklesh üchün qolidin kélidighanliki wasitilerni ishqa sélishqa bashlighan.

Esqerjan ependi, xitay terepning rabiye xanimning bu qétimqi yermenkige qatnishishini chekliyelmeydighanliqini, rabiye xanimning bu yerdiki pa'aliyetlirining yalghuz yermenkige qatnishish bilenla tügimeydighanliqini we bezi muhim siyasiy pa'aliyetler bilenmu shughullinidighanliqini tekitlidi.

Esqerjan ependi yene, bir qanche yillardin buyan xitay hökümitining barliq chare - amallar bilen rabiye xanimning pa'aliyetlirini chekleshke urunup kelgen bolsimu, axirqi hésabta p meghlup bolghanliqini tilgha élip, axirqi bir nechche ay ichide yüz bergen weqelerni eslitip ötti.

U yene, xelq'araliq bir mesile haligha kélip bolghan Uyghurlar mesilisini chekleshke emdi xitayning qurbiti yetmeydighanliqini, gherb démokratik ellirining Uyghurlarning dewasini qollawatqanliqi we qoghdawatqanliqini tekitlidi.

Yuqiridiki awaz ulinishidin, bu heqtiki melumatimizning tepsilatini anglaysiler.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.