Кәмситиш вә баравәрсизлик бар йәрдә наразилиқ болиду

Үрүмчи шәһәрлик балилар параванлиқ орнидики уйғур балилири учраватқан түрлүк һәқсизликләр алдида, ағзидин ана сүти пурап турған нарәсидә гөдәк балилар оз қаршилиқини унсиз ипадилигән, уларниң тәрбийичилири болған, ашу идаридики сан җәһәттин интайин аз болған уйғур хизмәтчиләрму оз пидакарлиқини көрсәткән.
Мухбиримиз миһрибан
2009-04-23
Елхәт
Пикир
Share
Принт

Балиларниң исим фамилиси мәҗбури хитайчә исимға өзгәртилиш, параванлиқ орнида мусулман ашпәзләрниң болмаслиқи,  мусулман болған уйғур балилириниң чошқа гөши қатарлиқ мусулманчә болмиған йемәкликләрни йейишкә мәҗбурлиниш, хитай аилилиригә бала қилип беқивелишқа бериветилиш қатарлиқ һәқсизлиқлар алдида уйғур балилири, унсиз нида қилиш, қечип кетиш қатарлиқ вастилар билән өзиниң қаршилиқини ипадилигән болса, бу хил һәқсизликләрни оз көзи билән көргән уларниң тәрбийичилири бу йитим балиларға қолидин келидиғанлики ярдимини бәргән, уларға өзиниң иссиқ меһри - муһәббитини берип, бу балиларниң йиғисини йиғлиған; балилар учраватқан һәқсизликләр алдида оз мәнпәәти билән һесаблашмастин бу балиларға игә чиққан.

Гәрчә улар ашу ишлири учун миллий һисяти күчлүк дәп идарә башлиқи тәрипидин тәнқидләнгән, йиғинларда өзини тәкшүрүшкә буйрулған, һәтта җазалинип әслидики хизмәт орунлиридин йөткиветилип, ашханида ашпәз, пар қазан өйидә от қалиғучи ишчи болуп ишләшкә мәҗбурланған болсиму, уларниң бу балиларға болған меһри, балилар алдидики мәҗбурийити виҗдани бурчи уларни балилар учун һәқни сөзләшкә үндигән.

Юқириқилар мутәллип әпәнди билән амангүл ханимниң балилар параванлиқ орнида 10 йил ишләш җәрянида оз бешидин кәчүргән һәқсизлиқлар һәққидики баянлири болуп, бөгөн улар давамлиқ биз билән сөһбәттә болди.
 
Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)
Share
Толуқ бәт