Хитайниң ахбарат - нәшрият әркинлики мәсилиси

Хитай һөкүмитиниң өз образини яхшилаш үчүн йолға қоюватқан түзүм вә бәлгилимиләр саниниң көпийиватқанлиқи кишиләрниң диққитини җәлип қилмақта. Хитай һөкүмәтниң дөләт ахбарат идариси тәрипидин 6 - април күни елан қилинған "ахбарат, нәшрият қурулмиси ислаһатини йәниму бир қәдәм илгири сүрүшниң йетәкчи идийиси тоғрисида пикир" намлиқ һөҗҗити, хитай вә дуняда һәрхил инкасларни пәйда қилди.
Мухбиримиз әкрәм
2009-04-14
Share

Бу һөҗҗәттин бәзиләр хитайда ахбарат, нәшрият әркинлики әмәлгә ешип қаларму дәп үмидләнсә, йәнә бәзиләр буни бир көз боямчилиқтин ибарәт, дәп мәзкур "ахбарат, нәшрият қурулмиси ислаһатини йәниму бир қәдәм илгири сүрүшниң йетәкчи идийиси тоғрисида пикир" намлиқ һөҗҗәткә қарита, д у қ баш катипи долқун әйса әпәндини өз пикрини баян қилди.

"Интайин әхмиқанә вә сахта"

Германийә долқунлири радиосиниң 7 - априлдики бир хәвири мәзкур темиға мунасивәтлик болуп, "хитайниң ахбарат, нәшрият қурулмиси ислаһати әмәлийәт әмәс" намлиқ бу хәвәрдә, хитай һөкүмәтниң бу мәсилидә сәмимий әмәслики тәнқидләнгән.

Хитай дөләт ахбарат идарисиниң һөҗҗитидә, алдимиздики бәш йилда ахбарат, нәшрият ишлириниң һөкүмәтсизлишиш, хусусийлишишиға рухсәт қилидиғанлиқи һәм уни һөкүмәтниң маддий җәһәттин қоллайдиғанлиқи илгири сүрүлгән болуп, германийә долқунлири радиосиниң зияритини қобул қилған хитай зиялийси лидатоң әпәнди: "бу хил қурулма интайин әхмиқанә вә сахта" дегән баһани бәргән.

Лидатоң: бу -- көз боямчилиқтин башқа нәрсә әмәс

Лидатоңниң ейтишичә, ахбарат, нәшрият әркинлики хитайниң асаси қанунида бар. Униң үчүн тохтимай йеңи бәлгилимиләрни елан қилишниң һаҗити йоқ. Хитай қанун бойичә иш көрсә, йәни асаси қанундики принсипларни һәқиқи иҗра қилсила, бу мәсилә һәл болиду. Әмәлийәттә, иҗра қилинмиди вә чәклимиләр давам қиливатиду. Чирайлиқ бәлгилимиләрни тохтимай елан қилиш, көз боямчилиқтин башқа нәрсә әмәс.

Хитай дөләт ахбарат идарисиниң һөҗҗитидә йәнә, шинхуа агентлиқи, хәлқ гезити, мәркизи т в қанили қатарлиқлар һәққидә тохтилип" бу асасий тәшвиқат қораллириниң әң муһим вәзиписи партийә вә хәлқниң тили болуштин ибарәт"дейилгән болуп, лидатоң буниңға қарита наразилиқ билдүрүп, хитай һөкүмитиниң бир тәрәптин әркин ахбаратниң гепини қилип, йәнә бир тәрәптин уни чүшәйдиған принсипни алдин бәлгиләп қойғанлиқини тилға алған.

Җуңгода техи һәқиқи маһийәтлик ахбарат ислаһати йолға қоюлмиди

Лидатоң мундақ дегән: түзүлмә қандақла өзгәрмисун, җуңго хусусийлар игидарчилиқидики ахбарат оргининиң барлиққа келишигә рухсәт қилмайду. Бундақ бир орган, ахбарат әркинлики җуңгода һәқиқи әмәлгә ашқанда андин вуҗудқа чиқиду.

Лидатоң мухбирларға йәнә мундақ дегән, "ахбарат, нәшрият қурулмиси ислаһатини йәниму бир қәдәм илгири сүрүшниң йетәкчи идийиси тоғрисида пикир" намлиқ бу һөҗҗәт, бурунқидәкла қуруқ шуардин ибарәт. Җуңго бу ислаһатниң гепини қилиштин илгири, идеологийиниң бихәтәрликигә капаләтлик қилиши керәк. Җуңгода техи һәқиқи маһийәтлик ахбарат ислаһати йолға қоюлмиди.

Ахбарат әркинлики уйғурлар үчүн бир чүш

Лидатоң, һөкүмәтниң гезит - журналлиридин хәлқниң бизар болғанлиқини ипадиләп мундақ дегән: әгәр һөкүмәт хәлқниң гезит - журналларға әркин муштири болушиға иҗазәт бәрсә, хәлқ гезити, нурлуқ гезит дегәнләрни ким оқуйду? әмәлийәттә, буларға ишчи - хизмәтчиләр мәҗбури муштири қилинмақта. Муштири болушни халимаслиқ мумкин әмәс. Сән муштири боламсән-болмамсән, мәркәз бәрибир сән ишләватқан органдин муштирилиқ пулини еливериду. Төлимисәң, җәриманиси билән суғурувалиду. Мана бу җуңгодики ахбарат, нәшрият ислаһати.

Уйғур зиялийлири болса, уйғурларға нисбәтән ахбарат, нәшрият әркинлики дегән сөзниң бир чүш икәнликини тәкитләшмәктә.



Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт