Xitayning axbarat - neshriyat erkinliki mesilisi

Xitay hökümitining öz obrazini yaxshilash üchün yolgha qoyuwatqan tüzüm we belgilimiler sanining köpiyiwatqanliqi kishilerning diqqitini jelip qilmaqta. Xitay hökümetning dölet axbarat idarisi teripidin 6 - april küni élan qilin'ghan "axbarat, neshriyat qurulmisi islahatini yenimu bir qedem ilgiri sürüshning yétekchi idiyisi toghrisida pikir" namliq höjjiti, xitay we dunyada herxil inkaslarni peyda qildi.
Muxbirimiz ekrem
2009-04-14
Share

Bu höjjettin beziler xitayda axbarat, neshriyat erkinliki emelge éship qalarmu dep ümidlense, yene beziler buni bir köz boyamchiliqtin ibaret, dep mezkur "axbarat, neshriyat qurulmisi islahatini yenimu bir qedem ilgiri sürüshning yétekchi idiyisi toghrisida pikir" namliq höjjetke qarita, d u q bash katipi dolqun eysa ependini öz pikrini bayan qildi.

"Intayin exmiqane we saxta"

Gérmaniye dolqunliri radi'osining 7 - aprildiki bir xewiri mezkur témigha munasiwetlik bolup, "xitayning axbarat, neshriyat qurulmisi islahati emeliyet emes" namliq bu xewerde, xitay hökümetning bu mesilide semimiy emesliki tenqidlen'gen.

Xitay dölet axbarat idarisining höjjitide, aldimizdiki besh yilda axbarat, neshriyat ishlirining hökümetsizlishish, xususiylishishigha ruxset qilidighanliqi hem uni hökümetning maddiy jehettin qollaydighanliqi ilgiri sürülgen bolup, gérmaniye dolqunliri radi'osining ziyaritini qobul qilghan xitay ziyaliysi lidatong ependi: "bu xil qurulma intayin exmiqane we saxta" dégen bahani bergen.

Lidatong: bu -- köz boyamchiliqtin bashqa nerse emes

Lidatongning éytishiche, axbarat, neshriyat erkinliki xitayning asasi qanunida bar. Uning üchün toxtimay yéngi belgilimilerni élan qilishning hajiti yoq. Xitay qanun boyiche ish körse, yeni asasi qanundiki prinsiplarni heqiqi ijra qilsila, bu mesile hel bolidu. Emeliyette, ijra qilinmidi we cheklimiler dawam qiliwatidu. Chirayliq belgilimilerni toxtimay élan qilish, köz boyamchiliqtin bashqa nerse emes.

Xitay dölet axbarat idarisining höjjitide yene, shinxu'a agéntliqi, xelq géziti, merkizi t w qanili qatarliqlar heqqide toxtilip" bu asasiy teshwiqat qorallirining eng muhim wezipisi partiye we xelqning tili bolushtin ibaret"déyilgen bolup, lidatong buninggha qarita naraziliq bildürüp, xitay hökümitining bir tereptin erkin axbaratning gépini qilip, yene bir tereptin uni chüsheydighan prinsipni aldin belgilep qoyghanliqini tilgha alghan.

Junggoda téxi heqiqi mahiyetlik axbarat islahati yolgha qoyulmidi

Lidatong mundaq dégen: tüzülme qandaqla özgermisun, junggo xususiylar igidarchiliqidiki axbarat orginining barliqqa kélishige ruxset qilmaydu. Bundaq bir organ, axbarat erkinliki junggoda heqiqi emelge ashqanda andin wujudqa chiqidu.

Lidatong muxbirlargha yene mundaq dégen, "axbarat, neshriyat qurulmisi islahatini yenimu bir qedem ilgiri sürüshning yétekchi idiyisi toghrisida pikir" namliq bu höjjet, burunqidekla quruq shu'ardin ibaret. Junggo bu islahatning gépini qilishtin ilgiri, idé'ologiyining bixeterlikige kapaletlik qilishi kérek. Junggoda téxi heqiqi mahiyetlik axbarat islahati yolgha qoyulmidi.

Axbarat erkinliki Uyghurlar üchün bir chüsh

Lidatong, hökümetning gézit - zhurnalliridin xelqning bizar bolghanliqini ipadilep mundaq dégen: eger hökümet xelqning gézit - zhurnallargha erkin mushtiri bolushigha ijazet berse, xelq géziti, nurluq gézit dégenlerni kim oquydu? emeliyette, bulargha ishchi - xizmetchiler mejburi mushtiri qilinmaqta. Mushtiri bolushni xalimasliq mumkin emes. Sen mushtiri bolamsen-bolmamsen, merkez beribir sen ishlewatqan organdin mushtiriliq pulini éliwéridu. Tölimiseng, jerimanisi bilen sughuruwalidu. Mana bu junggodiki axbarat, neshriyat islahati.

Uyghur ziyaliyliri bolsa, Uyghurlargha nisbeten axbarat, neshriyat erkinliki dégen sözning bir chüsh ikenlikini tekitleshmekte.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet