Тән җазасиға учриған уйғур сиясий мәһбуслири тоғрисидики доклат б д т ға йолланди

Б д т ға йолланған тән җазасиға учриған уйғур сийасий мәһбуслири тоғрисидики доклатниң д у қ тор бетидики көрүнүши.

Д у қ рәһбәрлириниң билдүрүшичә, хитай түрмилиридә еғир қийин - қистақлар вә рәһимсиз тән җазалириға йолуққан уйғур сиясий мәһбуслири тоғрисида қурултай баш шитаби тәрипидин һазирланған мәхсус бир доклат, алдинқи һәптә б д т қийин - қистаққа қарши туруш комитетиға йолланған. Д у қ ниң баш катипи, яврупа шәрқий түркистан бирлики тәшкилатиниң рәиси долқун әйса әпәнди бу мунасивәт билән зияритимизни қобул қилип, бизгә әтраплиқ мәлумат бәрди.

Бу йил 11 - айда б д т қийин - қистаққа қарши туруш комитети җәнвәдә йиғин чақирип, хитайдики тән җазаси мәсилиси тоғрулуқ музакирә елип баридикән. Шуниң билән биргә, д у қ йәнә бу йил 11 - айда хәлқара тәшкилатлар билән бирлишип, б д т баш шитабида хитайдики қейин - қистақлар тоғрулуқ мәхсус йиғин чақиридикән вә хитай түрмилиридә дәһшәтлик зулумға учриған уйғурларни тирик шаһидлар сүпитидә мәйданға чиқиридикән.

Узун йил хитай түрмисидә азап чәккән шветсийидики уйғур зиялийси абдурешит һаҗи керими әпәнди, хитайниң ялғуз түрмидики уйғур сиясий мәһбусларни вәһшиләрчә қийнаш, өлтүрүш билән шуғуллинипла қалмастин, хитай зулмиға қарши көкрәк керип оттуриға чиққан уйғур әркинлик җәңчилирини қирғин қилип ташлаватқанлиқини тилға алди вә 27 - авғуст қизилбуя вәқәсини буниң бир дәлили қилип көрсәтти.